இந்திய உச்ச நீதிமன்றத்தின் தலைமை நீதிபதி சூர்ய காந்த் அண்டை நாடான பூடானுக்கு உத்தியோகபூர்வ பயணம் மேற்கொண்டுள்ளார்.
அந்த பயணத்தின் போது, பூடான் தலைநகர் திம்புவில் அந்நாட்டு மன்னர் ஜிக்மே கேசர் நாம்கியேல் வாங்சுக்கை அவர் நேற்று சந்தித்தார்.
இந்த சந்திப்பு தொடர்பாக இந்திய உச்ச நீதிமன்றம் வெளியிட்டுள்ள அறிக்கையில், இந்தியா மற்றும் பூடான் நாடுகளுக்கிடையிலான உறவை மேலும் வலுப்படுத்தும் உறுதிப்பாட்டை இரு தரப்பினரும் வெளிப்படுத்தியதாக தெரிவிக்கப்பட்டுள்ளது.
மேலும், பூடான் நாட்டின் நீதித்துறையை மின்னணு மயமாக்குவதற்காக தொழில்நுட்ப உதவிகளையும் ஆதரவையும் வழங்கத் தயாராக இருப்பதாக தலைமை நீதிபதி சூர்ய காந்த் உறுதியளித்ததாக குறிப்பிடப்பட்டுள்ளது.அத்துடன், இந்தியா மற்றும் பூடான் நாடுகளுக்கிடையிலான கலாச்சாரம், ஆன்மீகம் மற்றும் அறிவியல் சார்ந்த உறவுகள் தொடர்பாகவும் இருவரும் கலந்துரையாடி, அந்தப் பிணைப்புகளை மீண்டும் உறுதிப்படுத்தியதாகவும் அந்த அறிக்கையில் தெரிவிக்கப்பட்டுள்ளது.
