ஒடிசா மாநில சுரங்கத் துறை துணை இயக்குநராகப் பணியாற்றி வந்த தேவபிரதா மொகந்தி லஞ்சம் வாங்கிய குற்றச்சாட்டில் கையும் களவுமாக கைது செய்யப்பட்டுள்ளார்.நிலக்கரி விற்பனைக்கு அனுமதி பெற்ற ஒரு வர்த்தகரிடமிருந்து ரூ.30 ஆயிரம் லஞ்சம் பெற்றபோது, விஜிலென்ஸ் அதிகாரிகள் அவரை பிடித்தனர்.
அதனைத் தொடர்ந்து புவனேஸ்வரில் உள்ள அவரது அடுக்குமாடி குடியிருப்பிலும், பத்ராக் மாவட்டத்தில் உள்ள அவரது பெற்றோர் வீட்டிலும் ஒரே நேரத்தில் சோதனை நடத்தப்பட்டது.சோதனையின் போது வீட்டிலிருந்த அலமாரிகளில் கட்டுக்கட்டாக பணம் மறைத்து வைக்கப்பட்டிருந்தது கண்டுபிடிக்கப்பட்டது.
மொத்தமாக ரூ.4 கோடி பணம் பறிமுதல் செய்யப்பட்டது. மேலும், அலுவலக மேசை டிராயரில் இருந்து ரூ.1.20 லட்சமும் கைப்பற்றப்பட்டது.அத்துடன், புவனேஸ்வரில் உள்ள இரு மாடி வீட்டுக்கான ஆவணங்களும், 130 கிராம் தங்க நகைகளும் அதிகாரிகளால் பறிமுதல் செய்யப்பட்டன.
இதுவரை பிடிபட்ட ஊழல் வழக்குகளில் இது மிகப்பெரிய தொகை என விஜிலென்ஸ் அதிகாரிகள் தெரிவித்துள்ளனர். சம்பவம் தொடர்பாக ஊழல் தடுப்புச் சட்டத்தின் கீழ் வழக்குப் பதிவு செய்து விசாரணை நடைபெற்று வருகிறது.
