பிஹார் மாநிலத்தின் பக்சார் மாவட்டம், முஃபாசில் காவல் எல்லைக்குட்பட்ட சவுசா நகரில் நேற்று முன்தினம் மாலை நடைபெற இருந்த திருமண விழாவில் திடீர் துப்பாக்கிச்சூடு சம்பவம் இடம்பெற்றுள்ளது.
உத்தரப் பிரதேசம் மாநிலத்தின் பல்லியா மாவட்டம் பகுதியைச் சேர்ந்த இளைஞருக்கும், 18 வயதுடைய ஆர்த்தி குமாரிக்கும் திருமணம் நடைபெறவிருந்த நிலையில், மணமேடையில் ஏறிய முகக்கவசம் அணிந்த நபர் ஒருவர் திடீரென ஆர்த்தியை நோக்கி துப்பாக்கிச் சூடு நடத்தியதாக தெரிவிக்கப்படுகிறது.
சம்பவத்தையடுத்து காயமடைந்த ஆர்த்தி குமாரி, வாரணாசியில் உள்ள மருத்துவமனையில் சிகிச்சை பெற்று வருகிறார்.இந்தச் சம்பவம் தொடர்பில் விசாரணை நடத்தும் காவல்துறையினர், ஆர்த்தியை ஒருதலையாக காதலித்த தீன பந்து என்பவரே தாக்குதலை மேற்கொண்டிருக்கலாம் என சந்தேகிப்பதாக தெரிவித்துள்ளனர். மேலதிக விசாரணைகள் முன்னெடுக்கப்பட்டு வருகின்றன.
