கனடா, இந்தியாவுடன் பொருளாதார கூட்டாண்மையை விரிவுபடுத்தி, ஒத்துழைப்புகளை பல்துறை பரப்புவதற்கு தீர்மானித்துள்ளது. இதற்கிடையில், கனடா பிரதமர் மார்க் கார்னி எதிர்வரும் மார்ச் மாத முற்பகுதியில் புதுடில்லி வரவேற்கப்படவிருப்பதாகவும், இந்தியாவுடன் விரிவான பொருளாதார ஒப்பந்தங்களில் இணைந்து பணியாற்றும் வாய்ப்புகளை ஆராயவிருப்பதாக கனேடிய அதிகாரி விக்டர் ஃபெடெலி தெரிவித்துள்ளார்.
அமெரிக்கா கனடாவை பொருளாதார வரிவிதிகளால் பாதித்த பின்னர், அமெரிக்காவைத் தாண்டி கூட்டாண்மைகளை பன்முகப்படுத்தும் கனடாவின் முயற்சியில் இந்த விஜயம் முக்கியமானது.மேலும், கடந்த வாரம் மியூனிச் பாதுகாப்பு மாநாட்டில் பங்கேற்ற இந்திய வௌிவிவகார அமைச்சர் கலாநிதி எஸ். ஜெய்சங்கரும், கனடா வௌிவிவகார அமைச்சர் அனிதா ஆனந்த்தும் இரு தரப்பு உறவுகளை ஆழப்படுத்தும் வழிகளைக் குறித்து விரிவாக ஆலோசனை நடத்தினர்.
எரிசக்தி, தொழில்நுட்பம் மற்றும் வர்த்தகம் உட்பட பல துறைகளில் ஒத்துழைப்பை ஆழப்படுத்துவது குறித்தும் கவனம் செலுத்தியுள்ள இவர்கள், பகிரப்பட்ட நலன்களை மேம்படுத்துவதற்கான எதிர்காலப் பணிகள் தொடர்பிலும் ஆராய்ந்துள்ளதாகவும் தெரிவிக்கப்பட்டுள்ளது.
