இன்று நுவரெலியா மாநகர சபை மதிப்பிற்குரிய மேயர் அவர்களின் வழிகாட்டுதலின் கீழ், மாநகர மன்ற உறுப்பினர்களின் பங்கேற்புடன் கிரெகரி ஏரி சுற்றுவட்டார நடைபாதைகள் மற்றும் அடைப்பு ஏற்பட்ட கால்வாய்களை சுத்திகரிக்கும் சிறப்பு வேலைத்திட்டம் வெற்றிகரமாக நடைமுறைப்படுத்தப்பட்டது.
இந்த வேலைத்திட்டம் பிரதம பொதுச் சுகாதார பரிசோதகர் அவர்களின் மேற்பார்வையில் மாநகர சபை பணியாளர்களின் அர்ப்பணிப்புடன் மேற்கொள்ளப்பட்டது.
சுற்றுச் சூழலை பாதுகாப்போம் என்ற தொனியில் நுவரெலியாவின் அழகை காப்போம் என்ற அடிப்படையில் இடம்பெற்றது.
இனி வரும் காலங்களில் நுவரெலியா கிரெகரி ஏரி பகுதியில் குப்பைகள் மற்றும் பிளாஸ்டிக் பொருட்கள் விட்டு செல்ல வேண்டாம் என ஆங்காங்கே விளம்பர பலகைகள் வைக்கப்பட்டுள்ளன.
இலங்கையில் உள்ள குட்டி இங்கிலாந்து என்று அழைக்கப்படும் நுவரெலியா நகரையும் நகரை அண்டிய பகுதிகளையும் மிகவும் துப்பரவாகவும் தூய்மையான நிலையில் வைத்துக் கொள்ள நுவரெலியா மாவட்டத்தில் உள்ள அனைத்து மக்களும் இதற்கு உதவ முன் வர வேண்டும் என நுவரெலியா மாநகர சபை முதல்வர் கேட்டு கொண்டு உள்ளார்.
