அமெரிக்காவுடனான மறைமுக பேச்சுவார்த்தைகள் இடம்பெற்றுள்ள சூழலில் ஈரானின் உச்ச தேசிய பாதுகாப்பு கவுன்சிலின் செயலாளர் அலி லரிஜானி ஓமானின் தலைநகரான மஸ்கட்டுக்கு நேற்று விஜயம் செய்துள்ளார்.ஓமான் சுல்தானும் பிரதமருமான சுல்தான் ஹைதம் பின் தாரிக் மற்றும் வெளியுறவு அமைச்சர் பத்ர் பின் ஹமத் அல் புசைடி உள்ளிட்ட ஓமானின் சிரேஷ்ட அதிகாரிகளுடன் பேச்சுவார்த்தை நடத்துவதற்காக விஜயம் மேற்கொண்டுள்ள இவர், பிராந்திய மற்றும் சர்வதேச முன்னேற்றங்கள் உட்பட இரு நாடுகளுக்கும் இடையிலான இருதரப்பு ஒத்துழைப்பை வலுப்படுத்துவதற்கான வழிகள் குறித்தும் இப்பேச்சுவார்த்தைகளின் போது கலந்துரையாடவிருக்கிறார் என்று தெரிவிக்கப்பட்டுள்ளது.
ஈரானின் அணுசக்தி தொடர்பில் ஓமானில் கடந்த வௌ்ளிக்கிழமை இடம்பெற்ற மறைமுகப் பேச்சுவார்த்தை குறித்து பேச்சுவார்த்தைக் குழுத் தலைவரான வெளியுறவு அமைச்சர் அப்பாஸ் அரக்சி, இப்பேச்சுவார்த்தை ஒரு நல்ல தொடக்கம் என்றும் இரு தரப்பினரும் விவாதங்களைத் தொடர விரும்புவதாகவும் குறிப்பிட்டப்பட்டுள்ளது.
