மேற்குக் கரை பகுதியில் தனது அதிகாரங்களை விரிவுபடுத்தும் புதிய நடவடிக்கைகளுக்கு இஸ்ரேலின் பாதுகாப்பு அமைச்சரவை அனுமதி வழங்கியுள்ளது.இந்த நடவடிக்கைகளின் கீழ், இஸ்ரேலிய குடியேறிகள் பலஸ்தீனிய நிலங்களைப் பெறும் நடைமுறைகள் எளிதாக்கப்படுவதுடன், பலஸ்தீன நிர்வாக கட்டுப்பாட்டில் உள்ள பகுதிகளில் இஸ்ரேலிய அதிகாரிகளின் அதிகாரங்களும் அதிகரிக்கப்படவுள்ளதாக தெரிவிக்கப்படுகிறது.
இஸ்ரேலின் இந்தத் தீர்மானம் ஆபத்தானது என பலஸ்தீன ஜனாதிபதி மஹ்மூத் அப்பாஸ் தெரிவித்துள்ளார். மேலும், இந்த விவகாரத்தில் அமெரிக்கா மற்றும் ஐக்கிய நாடுகள் பாதுகாப்பு சபை தலையீடு செய்ய வேண்டும் என்றும் அவர் கோரிக்கை விடுத்துள்ளார்.இதேவேளை, ஜோர்டான் வெளியுறவு அமைச்சகம் இஸ்ரேலின் நடவடிக்கையை கடுமையாக கண்டித்துள்ளது.
இது சட்டவிரோத இறையாண்மை நிலைநிறுத்தும் முயற்சி என்றும், குடியேற்றங்களை விரிவுபடுத்தும் செயற்பாடாகும் என்றும் அந்த அமைச்சகம் தெரிவித்துள்ளது.மேலும், மேற்குக் கரையில் செயல்படும் ஹமாஸ் அமைப்பு, இஸ்ரேலிய ஆக்கிரமிப்புக்கு எதிராக போராட்டங்களை தீவிரப்படுத்துமாறு பலஸ்தீனியர்களுக்கு அழைப்பு விடுத்துள்ளது.
