பெய்ஜிங் விதித்த கடுமையான தேசிய பாதுகாப்புச் சட்டத்தின் கீழ், ஜனநாயக சார்பு ஊடகமான ஆப்பிள் டெய்லியின் நிறுவன தலைவர் ஜிம்மி லாய் மீது தொடரப்பட்ட குற்றச்சாட்டுகள் நிரூபிக்கப்பட்டதன் பின்னர், ஹெங்கொங் நீதிமன்றம் அவருக்கு 20 ஆண்டுகள் சிறைத்தண்டனை விதித்துள்ளது.
நீதிமன்றம் தெரிவித்ததாவது, தற்போதைய மோசடி வழக்கில் ஏற்கனவே 5 ஆண்டு சிறைத்தண்டனை அனுபவித்த லாயின் 18 ஆண்டு சிறைத்தண்டனை தொடர்ச்சியாக அமல்படுத்தப்பட வேண்டும் என்பதாகும்.78 வயதான லாய் தற்போது செயல்படாத ஆப்பிள் டெய்லியின் நிறுவனர்; இவர் ஏற்கனவே ஐந்து ஆண்டுக்கும் மேலாக சிறையில் உள்ளார். மேலும், வெளிநாட்டு கூட்டுச் சதி மற்றும் தேசத்துரோக வெளியீட்டு குற்றச்சாட்டுகளிலும் கடந்த டிசம்பரில் குற்றவாளியாக நிரூபிக்கப்பட்டார்.
அவரது வயதையும் உடல்நலக் குறைபாடுகளையும் கருத்தில் கொண்டால், இந்த சிறைத்தண்டனை அவரது வாழ்நாள் முழுவதும் தொடரக்கூடும் என்று கூறப்படுகிறது.தண்டனை விதிக்கப்படுவதற்கு முன்பு, உரிமைக் குழுக்கள் மற்றும் மேற்கத்திய அரசாங்கங்கள் லாயை விடுவிக்க கோரியிருந்தன; சிலர் இந்த வழக்கை “ஒரு ஏமாற்று வேலை” என்று விமர்சித்தனர்.
லாயின் குடும்பத்தினர், சட்டத்தரணிகள் மற்றும் ஆதரவாளர்கள், அவரது இதயத் துடிப்பு மற்றும் உயர் இரத்த அழுத்தம் போன்ற உடல்நலக் குறைபாடுகளால் சிறையில் அவதிப்படுவார் என எச்சரித்துள்ளனர்.லாயைத் தவிர, ஆப்பிள் டெய்லியின் முன்னாள் மூத்த ஊழியர்கள் ஆறு பேர், ஒரு ஆர்வலர் மற்றும் ஒரு சட்ட உதவியாளருக்கும் தண்டனை விதிக்கப்பட்டது. இவர்களுக்கு விதிக்கப்பட்ட சிறைத்தண்டனைகள் ஆறு ஆண்டு முதல் 10 ஆண்டுகள் வரை உள்ளதாக தெரிவிக்கப்பட்டுள்ளது.
