அமெரிக்காவில் பாலியல் குற்றச்சாட்டுகளில் சிக்கிய பின்னர் உயிரிழந்த ஜெப்ரி எப்ஸ்டீன், தனது விந்தணுக்களின் மூலம் ஒரு சிறப்பு மனித இனத்தை உருவாக்கத் திட்டமிட்டிருந்தார் என்பது தொடர்பான தகவல்கள் வெளியாகியுள்ளன.இந்த விவகாரம் குறித்து 2018ஆம் ஆண்டு காலப்பகுதியில் சில குற்றச்சாட்டுகள் முன்வைக்கப்பட்டிருந்தன. தற்போது அமெரிக்க நீதித்துறையால் எப்ஸ்டீன் தொடர்பான இலட்சக்கணக்கான ஆவணங்கள் வெளியிடப்பட்டுள்ள நிலையில், இந்தத் திட்டத்தின் பின்னணியும் வெளிப்பட்டுள்ளது.
அதன்படி, எப்ஸ்டீன் பல பெண்களை கருத்தரிக்கச் செய்து, மரபணு தொழில்நுட்பத்தின் மூலம் கர்ப்பகாலத்திலேயே பிறக்கும் குழந்தைகளுக்கு அதிகப்படியான அறிவாற்றலும் திறன்களும் வழங்கி, தனித்துவமான மனித இனத்தை உருவாக்க விரும்பியிருந்ததாகக் கூறப்படுகிறது.தனது திட்டத்திற்கு ஆதரவும் அங்கீகாரமும் பெறும் நோக்கில், பல முன்னணி அறிவியலாளர்களை தனது தனியார் தீவுக்கு அழைத்து விருந்தளித்திருந்ததாகவும் தகவல்கள் தெரிவிக்கின்றன.
மேலும், ஹார்வர்டு பல்கலைக்கழகம் உள்ளிட்ட பல முன்னணி கல்வி நிறுவனங்களுக்கு நிதியுதவியும் வழங்கியிருந்தார் என ஆவணங்களில் குறிப்பிடப்பட்டுள்ளது.இதேவேளை, தனது தலை மற்றும் இனப்பெருக்க உறுப்புகளை உறைநிலையில் பாதுகாத்து வைத்து, எதிர்காலத்தில் மேம்பட்ட தொழில்நுட்பத்தின் மூலம் தன்னை மீண்டும் உயிர்ப்பிக்க வேண்டும் என்ற எண்ணமும் அவருக்கிருந்ததாகவும் வெளிவந்த தகவல்கள் தெரிவிக்கின்றன.
