பருத்தித்துறை பொலிஸாரின் ஏற்பாட்டில் பருத்தித்துறை பிரதேச சபையும் இணைந்து இலங்கையின் சுதந்திரதினத்தை முன்னிட்டு இன்றையநாள் பருத்தித்துறை மருதங்கேணி வீதியில் கிராமக்கோடு சந்தியிலிருந்து ஆனைவிழுந்தான் சந்தி வரையும், ஆனைவிழுந்தான் சந்தியிலிருந்து வராத்துப்பளை சந்தி வரையும் சிரமதானம் முன்னெடுக்கப்பட்டுள்ளது.
பருத்தித்துறை பொலிஸ் நிலைய பதில் பொறுப்பதிகாரி தலைமை பொலிஸ் பரிசோதகர் பண்டார தலைமையில் இடம்பெற்ற குறித்த சிரமதான பணியில் பருத்தித்துறை பொலிஸ் நிலைய பொலிஸார், பருத்தித்துறை பிரதேச சபை உறுப்பினர் பூலோலியூர் ரமணன், சபை உப தவிசாளர் காந்தரூபன், சபை செயலாளர், மற்றும் சபை உத்தியோகத்தர்கள் ரமேஸ்வரன் உட்பட பலரும் சிரமதானத்தில் ஈடுபட்டனர்.
இதேவேளை பருத்தித்துறை பொலிஸாரால் பருத்தித்துறை பிரதேச சபையின் 6 ஆம் வட்டரமான புலோலி, புற்றளை இளைஞர் கழக மைதானத்தில் பருத்தித்துறை பொலிஸ் நிலைய பொறுப்பதிகாரி தலைமையில் மரம் நடுகையும் இடம்பெற்றது.
இதில் பருத்தித்துறை பொலிஸார், பருத்தித்துறை பிரதேச சபை உறுப்பினர் பூலோலியூர் ரமணன், சபை செயலாளர் ரமேஸ்வரன், கழக உறுப்பினர்கள், கிராம மக்கள் உட்பட பலரும் கலந்துகொண்டனர்.
