சுமந்திரன் – சிறீநேசன் இடையே கருத்து மோதல்.!

நாடாளுமன்றக் கட்டடத் தொகுதியில் இலங்கைத் தமிழரசுக் கட்சியின் முக்கிய கூட்டம் நடைபெற்று, கட்சியின் 8 எம்.பிகளுள் சிறீதரனைத் தவிர மற்ற ஏழு பேரும் பங்கேற்றனர்.கூட்டம் கட்சியின் பொதுச்செயலாளர், ஜனாதிபதி சட்டத்தரணி எம்.ஏ. சுமந்திரனுடன் நடைபெற்ற சந்திப்பின் தொடர்ச்சியாக நடைபெற்றது. நாடாளுமன்றக் குழுவின் செயலாளர் எஸ். குகதாசன் இந்த கூட்டத்துக்கு ஒழுங்கு செய்திருந்தார்.

கட்சிக்குள் நிலவும் குழப்பங்கள், இடையிலான இழுபறி நிலைகள் ஆகியவற்றை சரிசெய்யும் நோக்கில் இந்த நடவடிக்கை எடுக்கப்பட்டது. இதற்கு முன்பும், நாடாளுமன்றக் குழு சிறீதரனுடன் இதேபோன்ற சந்திப்பை சில தினங்களுக்கு முன்னர் நடத்தி இருந்தது; அந்த சந்திப்பில் சாணக்கியன் எம்.பி. கலந்துகொள்ளவில்லை.

நாடாளுமன்றக் கூட்டத்தில் கட்சியின் வழக்கு, சிக்கல்கள், அரசமைப்புக் கவுன்சிலில் சிறீதரனின் செயற்பாடு, சிறீதரனை நாடாளுமன்றக் குழுத் தலைவர் பதவியில் இருந்து நீக்குவதற்கு அரசியல் குழு எடுத்த தீர்மானம் ஆகிய விவரங்கள் சுமந்திரன் விளக்கமாக உறுப்பினர்களுக்கு கூறியுள்ளார்.

கூட்டத்தின் போது இடையிடையே சிறீநேசனுடன் சுமந்திரனுக்கு கருத்து மோதல் ஏற்பட்டது என தெரிவிக்கப்படுகிறது. எனினும், கட்சியின் நிலைமை மற்றும் சிறீதரனின் செயற்பாடுகள் குறித்து மிகத் தெளிவாகவும் சுமந்திரன் விளக்கம் அளித்ததாக கூட்டத்தில் பங்கேற்ற எம்.பி. ஒருவர் ஊடகங்களுக்கு தெரிவித்தார்.