மறைந்த பாலியல் குற்றவாளி ஜெஃப்ரி எப்ஸ்டீனுடனான நட்பு குறித்த புதிய வெளிப்பாடுகளைத் தொடர்ந்து, அமெரிக்காவிற்கான முன்னாள் இங்கிலாந்து தூதர் லோர்ட் மண்டேல்சன் (Lord Mandelson) தொழிலாளர் கட்சியில் இருந்து இராஜினாமா செய்துள்ளார்.இராஜினாமா குறித்து தொழிலாளர் கட்சியின் பொதுச் செயலாளர் ஹோலி ரிட்லிக்கு எழுதிய கடிதத்தில் லார்ட் மண்டேல்சன், எப்ஸ்டீனுடனான தனது தொடர்புகளால் மேலும் சங்கடத்தை ஏற்படுத்த விரும்பவில்லை என்று சுட்டிக்காட்டியுள்ளார்.
கடந்த ஆண்டு செப்டம்பரில், எப்ஸ்டீனுடன் தொடர்புகள் இருந்ததால், அமெரிக்காவிற்கான தூதர் பதவியில் இருந்து மண்டேல்சனை பிரதமர் கெய்ர் ஸ்டார்மர் நீக்கினார்.கடந்த வெள்ளிக்கிழமை அமெரிக்க நீதித்துறையின் அண்மைய ஆவணங்கள் வெளியிட்டதைத் தொடர்ந்து, ஞாயிற்றுக்கிழமை (01) கட்சியில் இருந்து அவர் இராஜினாமா செய்துள்ளார்.
2003 மற்றும் 2004 ஆம் ஆண்டுகளில் மண்டேல்சனுடன் இணைக்கப்பட்ட கணக்குகளுக்கு எப்ஸ்டீன் தலா $25,000 வீதம் மொத்தம் $75,000 என மூன்று தனித்தனி பணம் செலுத்தியதாக ஆவணங்கள் தெரிவிக்கின்றன.
