அமெரிக்காவுடன் பேச்சுவார்த்தைக்கு தயாராகும் ஈரான்.!

ஈரான் அமெரிக்காவுடன் பேச்சுவார்த்தை நடத்த விரும்புகிறது என அமெரிக்க ஜனாதிபதி டொனால்ட் ட்ரம்ப் தெரிவித்துள்ளார்.இது தொடர்பில் ட்ரம்ப் தெரிவித்ததாவது,

ஈரானில் வரம்பு மீறப்பட்டுவிட்டதாகத் தெரிகிறது. கொல்லப்படக்கூடாத சில நபர்கள் கொல்லப்பட்டுள்ளனர். தலைவர்களைப் பற்றிப் பேசினால், அவர்கள் தலைவர்களா அல்லது வன்முறை மூலம் ஆட்சி செய்பவர்களா என்று எனக்குத் தெரியவில்லை.

நாங்களும், இராணுவமும் இதை மிகவும் தீவிரமாக கவனித்து வருகிறோம். மேலும் நாங்கள் சில கடும் நடவடிக்கைகளை எடுக்க மாற்று வழிகளையும் பரிசீலித்து வருகிறோம். ஈரான் அமெரிக்காவைத் தொடர்பு கொண்டு பேச்சுவார்த்தை நடத்த முன்மொழிந்தது.

எனது நிர்வாகம் ஈரானுடன் பேச்சுவார்த்தை நடத்த ஒரு சந்திப்பை ஏற்பாடு செய்து வருகிறது. இவ்வாறு ட்ரம்ப் கூறியுள்ளார்.