கோப்பாய் மாவீரர் துயிலும் இல்லத்தில் நினைவேந்தல்.!
மாவீரர் வாரம் இன்றையதினம் சனிக்கிழமை ஆரம்பமாகியுள்ள நிலையில் கோப்பாய் துயிலும் இல்லத்திற்கு முன்பாக உள்ள காணியில் அஞ்சலி நிகழ்வுகள் இடம்பெற்றன.
கோப்பாய் துயிலும் இல்லம் அமைந்திருந்த இடத்தில் பாரிய இராணுவ முகாம் அமைந்துள்ளமையால் துயிலும் இல்ல வாயிலுக்கு முன்பாக சுடரேற்றி அஞ்சலி செலுத்தப்பட்ட பின்னர், துயிலும் இல்லத்திற்கு முன்பாக உள்ள தனியார் காணியில் அஞ்சலி நிகழ்வுகள் ஆரம்பமானது.
ஈகைச்சுடரினை மாவீரர்களின் தந்தை ஏற்றி வைத்ததை தொடர்ந்து மாவீரர்களின் கல்லறைகளின் கற்களுக்கு மலர் மாலை அணிவித்து மலரஞ்சலி செலுத்தப்பட்டது.
தமிழீழ யுத்தத்தில் தமது இன்னுயிர்களை ஆகுதியாக்கியவர்களது உறவுகள் கண்ணீர் மல்க அங்கு நினைவேந்தல் முன்னெடுத்ததை அவதானிக்க முடிந்தது.







