உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்
ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது.
உக்ரைனுக்கு ஆதரவு வழங்கும் நாடுகளின் கூட்டமைப்பான ‘Coalition of the Willing’ அமைப்பின் பேர்லின் நகரில் நடைபெற்ற கூட்டத்தில் உரையாற்றிய பிரித்தானியப் பிரதமர் அன்டி பர்ன்ஹாம் (Andy Burnham) இதனைத் தெரிவித்துள்ளார்.
உக்ரைனின் பாதுகாப்புத் திறன்களை வலுப்படுத்துவதற்காக அறிமுகப்படுத்தப்பட்டுள்ள 260 மில்லியன் பவுண்ட் பெறுமதியான புதிய உதவித் தொகுதியின் ஒரு பகுதியாக இந்த ட்ரோன் வானுர்திகள் வழங்கப்படவுள்ளன.
குறித்த ட்ரோன் வானுர்திகள் 1,000 கிலோமீற்றர் தூரம் வரை பறக்கக்கூடிய திறன் கொண்டவை எனவும், அதிக எடையுள்ள வெடிபொருட்களைச் சுமந்து செல்லக்கூடியவை எனவும் பிரித்தானிய அரசாங்கம் தெரிவித்துள்ளது.
இதனூடாக ரஷ்யாவின் இராணுவ உற்பத்தி நிலையங்கள் போன்ற இலக்குகள் மீது தாக்குதல் நடத்த உக்ரைனுக்கு வாய்ப்பு ஏற்படும் எனத் தெரிவிக்கப்படுகிறது.
அத்துடன், இந்த உதவித் தொகுதியில் 80 சதவீதமான நிதி பிரித்தானியாவிற்குள்ளேயே செலவிடப்படவுள்ளதாகவும் அந்நாட்டு அரசாங்கம் குறிப்பிட்டுள்ளது.


