உள்ளடக்கத்திற்குச் செல்க
நவம்பர் 2026
22 ஞாயிறு
4210 பேர் இப்போது பார்க்கின்றனர்

பட்ஜட் விவாதத்தில் சஜித் உரையாற்ற தொடங்கியமை கட்சியின் கூட்டு முடிவு.!

இலங்கை செய்திகள் 4 நாட்கள் முன்
112 பார்வைகள்

2027ஆம் ஆண்டுக்கான வரவு – செலவுத் திட்ட விவாதத்தில், கடந்த ஐந்து ஆண்டுகால வழக்கத்துக்கு மாறாக எதிர்க்கட்சித் தலைவர் சஜித் பிரேமதாஸ ஆரம்ப உரையை நிகழ்த்தியமைக்கான காரணத்தை ஐக்கிய மக்கள் சக்தியின் நாடாளுமன்ற உறுப்பினர் கலாநிதி ஹர்ஷ டி சில்வா தெளிவுபடுத்தியுள்ளார்.

இது கட்சியின் கூட்டுத் தீர்மானம் என்றும், இதில் எவ்விதக் கருத்து வேறுபாடுகளும் இல்லை என்றும் அவர் சுட்டிக்காட்டியுள்ளார்.

இது தொடர்பில் ஊடகங்களிடம் நேற்று அவர் மேலும் விளக்கமளிக்கையில்,
“முன்னைய ஆண்டுகளைப் போன்றே இம்முறையும் வரவு – செலவுத் திட்ட விவாதத்துக்கான எதிர்க்கட்சியின் ஆரம்ப உரையை நானே நிகழ்த்துவேன் என ஆரம்பத்தில் எதிர்பார்த்திருந்தேன். எவ்வாறாயினும், ஜனாதிபதி அநுரகுமார திஸாநாயக்க வரவு – செலவுத் திட்டத்தைச் சமர்ப்பித்துள்ளமையால், எதிர்க்கட்சித் தலைவர் சஜித் பிரேமதாஸ விவாதத்தைத் தொடக்கி வைப்பதே பொருத்தமானதாக இருக்கும் எனக் கட்சித் தலைமை தீர்மானித்தது.

இந்தத் தீர்மானம் கட்சி உறுப்பினர்களால் முழுமையாக ஏற்றுக்கொள்ளப்பட்டது. இந்த மாற்றம் குறித்து எனக்கு எவ்வித அதிருப்தியும் இல்லை. அந்தந்த நேரத்துச் சூழ்நிலைகளுக்கு ஏற்பவே அரசியல் தீர்மானங்கள் எடுக்கப்பட வேண்டும். நாம் ஒரு அரசியல் கட்சி. இது ஒரு பொதுவான தீர்மானமாகும்.

இந்த மாற்றம் கட்சியின் கூட்டுத் தீர்மானம் என்பதை நான் மீண்டும் வலியுறுத்த விரும்புகின்றேன். இது தொடர்பில் கட்சிக்குள் எவ்வித முரண்பாடுகளும் இல்லை.” – என்றார்.

அவர் மேலும் குறிப்பிடுகையில்,
“வரவு – செலவுத் திட்ட விவாதத்தின் போது எனது உரையைத் தயாரிப்பதில் ஏற்பட்ட மூன்று நாள் தாமதம், வரவு – செலவுத் திட்ட முன்மொழிவுகளை ஆழமாக ஆராயவும் கற்கவும் எனக்கு மேலதிக நேரத்தை வழங்கியது. வழக்கமாக நான்தான் உரையைத் தொடங்குவேன். இது கடந்த ஐந்து ஆண்டுகளாக இருந்து வந்த வழக்கமாகும். ஆனால், அந்த நேரத்தில் ஒரு கட்சியாக நாம் ஒரு குறிப்பிட்ட ஒழுங்குமுறையைப் பின்பற்றுவது அவசியமானதாக இருந்தது.” – என்றார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

திறைசேரி நிரம்பி வழிந்தாலும் மக்கள் கையில் பணம் இல்லை : சஜித் விசனம்!

“திறைசேரி நிரம்பினாலும் மக்கள் கையில் பணம் நிரம்பவில்லை. மக்களிடம் பணப்புழக்கம் இல்லாமை பாரிய பிரச்சினையாகக் காணப்படுகின்றது” என்று எதிர்க்கட்சித் தலைவர் சஜித் பிரேமதாஸ தெரிவித்தார். கொழும்பு பண்டாரநாயக்க…

1 0 0
இலங்கை செய்திகள்

இந்தியா – இலங்கை நட்புறவு மற்றும் பரஸ்பர புரிந்துணர்வை வலுப்படுத்தும் நோக்கில் ‘மைத்திரி சேது யாத்திரை 2027’

இந்தியா மற்றும் இலங்கைக்கு இடையிலான நீண்டகால நட்புறவு, பரஸ்பர புரிந்துணர்வு மற்றும் ஒத்துழைப்பை இளைய தலைமுறையினூடாக மேலும் வலுப்படுத்தும் நோக்கில் முன்னெடுக்கப்பட்ட இந்தியா – இலங்கை தேசிய…

131 0 0
இலங்கை செய்திகள்

ஜனாசா எரிப்பு விவகாரத்தில் ஏற்பட்ட அரசியல் அதிருப்தியே தனித்த கட்சி உருவாகக் காரணம் – காதர் மஸ்தான்

ஜனாசா எரிப்பு விவகாரத்தில் ஏற்பட்ட அரசியல் அதிருப்தி உள்ளிட்ட பல்வேறு காரணங்களே தனித்த அரசியல் கட்சியை உருவாக்க வேண்டிய சூழலை ஏற்படுத்தியதாக முன்னாள் இராஜாங்க அமைச்சர் காதர்…

133 0 0
இலங்கை செய்திகள்

ஹட்டன் நகரில் தொடர் கொள்ளை!

இன்று காலை (22) ஹட்டன் நகரில் உள்ள பின் சாலையில் அமைந்துள்ள 4 கடைகளில் திருடன் புகுந்துள்ளதாக ஹட்டன் காவல்துறை தெரிவித்துள்ளது. தங்கப் பொருட்கள் தயாரிக்கும் 3…

125 0 0