ஐந்து நாட்கள் கடந்தும் தொடரும் திருச்சி சிறப்பு முகாமில் உள்ள ஈழ அகதிகளின் உண்ணாவிரத போராட்டம்!
திருச்சி சிறப்பு முகாமில் உள்ள ஈழத்து அகதிகள் தொடர்ச்சியாக ஐந்தாவது நாளாகவும் நேற்று உண்ணாவிரத போராட்டத்தில் ஈடுபட்டனர்.
ஐவர் இவ்வாறு போராட்டத்தில் ஈடுபட்டு வருவதுடன் தம்மை எந்த அதிகாரிகளும் இதுவரை வந்து பார்க்கவில்லை என அவர்கள் கவலை வெளியிட்டுள்ளனர்.
இது குறித்து முதலமைச்சர் விஜய்க்கு கடிதம் ஒன்றினை எழுதியுள்ளனர். அந்த கடிதத்தில் குறிப்பிடப்பட்டுள்ளதாவது,
வழக்குநள் முடிவடைந்தும், குற்றப் பத்திரிகை தாக்கல் செய்யப்படாமலும், வழக்குகள் கிடப்பில் போடப்படும் பல மாதங்களாக சிறையில் அடைபட்டுள்ளோம்.
பலமுறைகள் விண்ணப்பம் அளித்தலும் மனிதாபிமானமற்று அலட்சியமாக செய்யப்படுவதினால் மிகுந்த வேதனைக்குள்ளான நாங்கள் வேறு வழியின்றி உண்ணாநிலைப் போராட்டத்தை ஆரம்பித்தோம்.
ஐந்து நாட்கள் கடந்தும் உரிய அதிகாரிகள் எவரும் வருகை தராதது கவலை அளிக்கிறது. தயவுசெய்து உரிய அதிகாரிகள் விரைந்து நடவடிக்கை எடுத்து துன்புத்தில் இருந்து எங்களை விடுவிக்குமாறு மீண்டும் கேட்டுக் கொள்கிறோம் என குறிப்பிடப்பட்டுள்ளது.



