உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

வடகிழக்கு பருவமழை தொடர்பாக ஆராயும் முன்னாயத்த கலந்துரையாடல்.!

இலங்கை செய்திகள் 7 நாட்கள் முன்
143 பார்வைகள்

மன்னார் மாவட்டத்தில் எதிர்வரும் வடகிழக்கு பருவமழை காலத்தில் ஏற்படக்கூடிய அனர்த்தங்களை முன்கூட்டியே எதிர்கொள்வதற்கும், அவற்றினால் ஏற்படும் பாதிப்புகளை குறைப்பதற்கும் தேவையான முன்னாயத்த நடவடிக்கைகள் தொடர்பான விசேட கலந்துரையாடல் நேற்று வெள்ளிக்கிழமை (13) மன்னார் மாவட்ட செயலகத்தின் மருதம் மாநாட்டு மண்டபத்தில் மன்னார் மாவட்ட அரசாங்க அதிபர் க.கனகேஸ்வரன் தலைமையில் இடம்பெற்றது.

இக்கலந்துரையாடலில் மேலதிக மாவட்ட செயலாளர், மன்னார் மாவட்டத்தின் திணைக்களத் தலைவர்கள், முப்படையினர், பொலிஸ் அதிகாரிகள் மற்றும் அரச சார்பற்ற நிறுவனங்களின் பிரதிநிதிகள் கலந்து கொண்டனர்.

இதன்போது மன்னார் மாவட்ட அனர்த்த முகாமைத்துவ பிரிவின் பிரதிப் பணிப்பாளர் தி.ரி.என். சூரியராஜா அவர்கள், எதிர்வரும் வடகிழக்கு பருவமழை மற்றும் சூப்பர் எல்நினோ (Super El Niño) தாக்கம் தொடர்பாகவும், அதனால் ஏற்படக்கூடிய அனர்த்த அபாயங்கள் மற்றும் முன்னாயத்த நடவடிக்கைகள் தொடர்பாகவும் விளக்கமளித்தார்.

அத்துடன், நீர்ப்பாசனத் திணைக்களத்தின் பிரதம பொறியியலாளர் அவர்கள் மத்தி தேக்கம் மற்றும் மாவட்டத்தில் உள்ள குளங்களின் தற்போதைய நிலைமை, நீர்மட்ட நிலவரங்கள் மற்றும் பருவமழை காலத்தில் மேற்கொள்ள வேண்டிய முன்னாயத்த நடவடிக்கைகள் தொடர்பாக விரிவான சமர்ப்பணமொன்றை வழங்கினார்.

மேலும், எதிர்வரும் பருவமழைக் காலத்தில் ஏற்படக்கூடிய வெள்ள அனர்த்தங்கள், பாதிப்புக்குள்ளாகக் கூடிய பகுதிகள், குளங்களின் நீர்மட்டக் கண்காணிப்பு, மக்களைப் பாதுகாப்பான இடங்களுக்கு வெளியேற்றுதல், அவசரகால பதிலிறுப்பு நடவடிக்கைகள் மற்றும் திணைக்களங்களுக்கிடையிலான ஒருங்கிணைப்பு தொடர்பாக விரிவாக கலந்துரையாடப்பட்டது.

இறுதியாக, எதிர்வரும் பருவமழைக் காலத்தில் ஏற்படக்கூடிய சவால்களை திறம்பட எதிர்கொண்டு, பொதுமக்களின் உயிர் மற்றும் உடைமைகளைப் பாதுகாப்பதற்காக அனைத்து தரப்பினரும் ஒருங்கிணைந்து செயற்பட வேண்டியதன் அவசியம் வலியுறுத்தப்பட்டது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

நிந்தவூர் கடலில் காணாமல் போன இளைஞர்கள் இருவரையும் தேடும் பணிகள் தீவிரம்!

அம்பாறை மாவட்டம், நிந்தவூர் கடற்கரையில் இன்று (20) மதியம் கடலில் நீராடச் சென்றவர்களில் திடீரென அலையில் இழுத்துச் செல்லப்பட்டவர்களுள் ஒருவர் உயிருடன் மீட்கப்பட்டு அம்பாறை பொது வைத்தியசாலையின்…

137 0 0
இலங்கை செய்திகள்

மோட்டார் சைக்கிளும் லொறியும் மோதி கோர விபத்து: 23 வயது இளைஞன் உயி@ரிழப்பு

அம்பாறை மாவட்டம், சம்மாந்துறை பொலிஸ் பிரிவிற்குட்பட்ட மல்வத்தைப் பகுதியில் இன்று (20) வெள்ளிக்கிழமை மாலை இடம்பெற்ற மோட்டார் சைக்கிள் மற்றும் லொறி ஆகியன மோதிய கோர விபத்தில்…

128 0 0
இலங்கை செய்திகள்

மூச்சுத் திணறல் காரணமாக 36 மாணவர்கள் வைத்தியசாலையில் அனுமதி!

மூச்சுத் திணறல் காரணமாக மஸ்கெலியா புனித ஜோசப் தேசிய பாடசாலையின் 36 மாணவர்கள் இன்று (20) மஸ்கெலியா பிரதேச வைத்தியசாலையில் அனுமதிக்கப்பட்டுள்ளனர். இன்று (20) காலை 8.45…

124 0 0
இலங்கை செய்திகள்

யாழில். திறந்தவெளியில் குப்பை எரிப்பு – நீதிமன்றில் விரிவான அறிக்கை சமர்ப்பிக்கப்படும் என அறிவிப்பு

யாழ்ப்பாணம் மாநகர சபை அதிகார எல்லைக்குள் திறந்தவெளியில் குப்பைகள் எரிக்கப்படுவது தொடர்பிலான விரிவான அறிக்கையொன்றை எதிர்வரும் காலத்தில் நீதிமன்றத்தில் சமர்ப்பிக்கவுள்ளதாக, அந்நகர சபையின் சார்பில் ஆஜரான சட்டத்தரணி…

134 0 0