தமிழ் திரையுலகின் பிரபல இசையமைப்பாளர் அனிருத், தயாரிப்பாளர் கலாநிதி மாறனின் மகள் காவ்யா மாறனை கிரீஸ் நாட்டில் திருமணம் செய்துகொண்டதாக வெளியாகியுள்ள தகவல்கள் ரசிகர்களின் கவனத்தை ஈர்த்துள்ளன.
நெருங்கிய உறவினர்கள் மற்றும் நண்பர்கள் முன்னிலையில் நடைபெற்றதாகக் கூறப்படும் இந்தத் திருமணத்தில் நடிகர் ரஜினிகாந்த் உள்ளிட்ட முக்கிய பிரமுகர்கள் கலந்துகொண்டதாகத் தெரிவிக்கப்படுகிறது.
இந்நிலையில், திருமணத்தைத் தொடர்ந்து தனது மனைவி காவ்யா மாறனுடன் இருக்கும் புகைப்படங்களை அனிருத் இன்ஸ்டாகிராமில் பகிர்ந்துள்ளார்.
அதில், “My once in a lifetime, for a lifetime ❤️ 11.11” எனக் குறிப்பிட்டு தனது மகிழ்ச்சியை வெளிப்படுத்தியுள்ளார்.
தொடர்ந்து காவ்யாவின் கையைப் பிடித்துச் செல்லும் புகைப்படங்களையும் பகிர்ந்துள்ள நிலையில், அவை ரசிகர்கள் மத்தியில் அதிக கவனத்தைப் பெற்றுள்ளன.
மேலும், எதிர்வரும் 21ஆம் திகதி சென்னையில் பிரமாண்டமான திருமண வரவேற்பு நிகழ்வும் நடைபெறவுள்ளதாகத் தெரிவிக்கப்பட்டுள்ளது.
