1990 சுகப்படுத்தல் சேவைக்குப் பயன்படுத்துவதற்கு முழுமையான மருத்துவ வசதிகளுடன் கூடிய 100 புதிய நோயாளர் காவுவண்டிகளை விநியோகிப்பதற்கு இயலுமாகும் வகையில் நிதிக்கொடையை வழங்குவதற்கு இந்திய அரசு உடன்பாடு தெரிவித்துள்ளது.
அதற்கமைய, குறித்த நிதிக்கொடையைப் பெற்றுக் கொள்வதற்கு இந்திய அரசுடன் புரிந்துணர்வு ஒப்பந்தத்தை மேற்கொள்வதற்கு சுகாதாரம் மற்றும் வெகுசன ஊடக அமைச்சர் சமர்ப்பித்துள்ள யோசனைக்கு அமைச்சரவை அங்கீகாரம் வழங்கியுள்ளது.
இந்திய அரசின் நிதிக்கொடையைப் பயன்படுத்தி 2016 ஆம் ஆண்டில் 1990 சுகப்படுத்தல் தேசிய அவசர நோயாளர் காவுவண்டிச் சேவை ஆரம்பிக்கப்பட்டுள ;ளதுடன், குறித்த சேவை 2018 ஆம் ஆண்டில் நாடளாவிய ரீதியில் விரிவாக்கம் செய்யப்பட்டுள்ளது.
அதன்மூலம், அனைத்து மாவட்டங்களையும் உள்ளடக்கிய வகையில் 24 மணித்தியாலய இலவச சேவை வழங்கப்படுவதுடன், நாளொன்றுக்கு 1,000 – 1,200 நோயாளர்கள் முதலுதவியளித்து வைத்தியசாலைக்கு எடுத்துச் செல்லப்படுகின்றனர்.
இந்த நோயாளர் காவுவண்டிகள் ஆண்டொன்றுக்கு 09 மில்லியன் கிலோமீற்றர்கள் பயண ஓட்டத்தில் ஈடுபடுவதால், தற்போதுள்ள நோயாளர் காவுவண்டித் தொகுதியில் 322 வண்டிகள் இயந்திரக் கோளாறுகள் ஏற்படுவதற்கான வாய்ப்புக்கள் அதிகமாகவுள்ளன.
இலங்கை அரசால் முன்வைக்கப்பட்ட விசேட வேண்டுகோளைக் கருத்தில் கொண்டு, 1990 சுகப்படுத்தல் சேவைக்குப் பயன்படுத்துவதற்கு முழுமையான மருத்துவ வசதிகளுடன் கூடிய 100 புதிய நோயாளர் காவுவண்டிகளை விநியோகிப்பதற்கு இயலுமாகும் வகையில் நிதிக்கொடையை வழங்குவதற்கு இந்திய அரசு உடன்பாடு தெரிவித்துள்ளது.
