ரம்பேவ பகுதியில் இடம்பெற்ற கோர விபத்து; உ**யிரிழந்தவர்களின் எண்ணிக்கை அதிகரிப்பு.!

அநுராதபுரம் – மதவாச்சி வீதியில் ரம்பேவ பகுதியில் 03 பேருந்துகள் மோதி இடம்பெற்ற கோர விபத்தில் உயிரிழந்தவர்களின் எண்ணிக்கை 05 ஆக அதிகரித்துள்ளது.

இலங்கை போக்குவரத்து சபைக்குச் சொந்தமான இரு பேருந்துகள் நேருக்கு நேர் மோதியுள்ளதுடன், அதனைத் தொடர்ந்து, பின்னால் வந்த தனியார் பேருந்தொன்றும் மோதியதில் இந்த தொடர் விபத்து இடம்பெற்றுள்ளது.

விபத்தில் காயமடைந்த 50க்கும் மேற்பட்ட பயணிகள் உடனடியாக அநுராதபுரம் போதனா வைத்தியசாலையில் அனுமதிக்கப்பட்டு சிகிச்சைப் பெற்று வருகின்றனர்.

இந்தச் சம்பவம் தொடர்பில் மிஹிந்தலை பொலிஸார் மேலதிக விசாரணைகளில் ஈடுபட்டு வருகின்றனர்.