ரஷ்யா – உக்ரைன் இடையே நான்கரை ஆண்டுகளுக்கும் மேலாக போர் நீடித்து வரும் சூழலில், உக்ரைன் அதிபர் வோலோடிமிர் ஜெலன்ஸ்கியுடன் பிரதமர் நரேந்திர மோடி இன்று தொலைபேசி வாயிலாக ஆலோசனை மேற்கொண்டார்.
இந்த உரையாடலின் போது, போரின் தற்போதைய கள நிலவரங்கள் குறித்து பிரதமர் மோடியிடம் ஜெலன்ஸ்கி விளக்கிப் பேசினார்.
அதனைத் தொடர்ந்து பேசிய பிரதமர் மோடி, போர்ச் சூழலுக்கு முற்றுப்புள்ளி வைக்க பேச்சுவார்த்தை மற்றும் ராஜதந்திர நடவடிக்கைகளே சரியான வழி என்பதை இந்தியாவின் நிலையான கொள்கையாக மீண்டும் சுட்டிக்காட்டினார்.
மேலும், அமைதியை மீட்டெடுக்க மேற்கொள்ளப்படும் அனைத்து முயற்சிகளுக்கும் இந்தியா தனது முழுமையான பங்களிப்பை வழங்க எப்போதும் தயாராக இருக்கும் என்றும் அவர் உறுதியளித்தார்.
இந்த ஆலோசனையின் போது, இந்தியா மற்றும் உக்ரைன் ஆகிய இரு நாடுகளுக்கு இடையேயான இருதரப்பு உறவுகளை மேலும் பலப்படுத்துவது குறித்தும் தலைவர்கள் கலந்துரையாடினர்.
இதனிடையே, ரஷ்யா, உக்ரைன் மற்றும் அமெரிக்கா ஆகிய மூன்று நாடுகளுக்கு இடையிலான முக்கிய முத்தரப்பு அமைதிப் பேச்சுவார்த்தை நவம்பர் 10 மற்றும் 11 ஆகிய திகதிகளில் ஐக்கிய அரபு அமீரகத்தின் அபுதாபி நகரில் நடைபெறத் திட்டமிடப்பட்டுள்ளது குறிப்பிடத்தக்கது.
