தீபாவளிப் பண்டிகை முன்னிட்டு நுவரெலியா சீதாஎலிய ஆலயத்தில் விசேட பூஜை வழிபாடுகள்!
வரலாற்றுச் சிறப்புமிக்க நுவரெலியா சீதாஎலிய ஆலயத்தில், நாளை மலரவிருக்கும் தீபாவளித் திருநாளை முன்னிட்டு விசேட பூஜை வழிபாடுகள் நேற்று முன்தினம் வெகுவிமர்சையாக இடம்பெற்றுள்ளன.
நுவரெலியா பொலிஸ் அத்தியட்சகர் மற்றும் அத்தியட்சகர் காரியாலயத்தின் பொலிஸ் உத்தியோகஸ்தர்கள், மற்றும் அருகில் உள்ள பொலிஸ் நிலையங்களின் பொறுப்பதிகாரிகள் மற்றும் பொலிஸ் உறுப்பினர்கள் இந்நிகழ்வில் கலந்துகொண்டனர்.
இதன்போது, நுவரெலியா பிரதிப் பொலிஸ் மா அதிபர், மூத்த பொலிஸ் கண்காணிப்பாளர், உதவிப் பொலிஸ் கண்காணிப்பாளர் மற்றும் தலைமையகப் பொலிஸ் பரிசோதகர் உள்ளிட்ட பெருமளவிலான பொலிஸ் அதிகாரிகள் கலந்துகொண்டு தீபாவளிப் பண்டிகையை முன்னிட்டு விசேட வழிபாடுகளில் ஈடுபட்டமை குறிப்பிடத்தக்கது.





