பொலிஸ் காவலில் இருந்தபோது சந்தேகநபர் ஒருவர் உயிரிழந்த சம்பவத்துடன் தொடர்பில் கைது செய்யப்பட்ட ஹோமாகம பொலிஸ் நிலையத்தின் குற்றவியல் பிரிவு பொறுப்பதிகாரி எதிர்வரும் நவம்பர் மாதம் 12 ஆம் திகதி வரை விளக்கமறியலில் வைக்கப்பட்டுள்ளார்.
நேற்று புதன்கிழமை (28) மேற்கு மாகாண தெற்கு குற்றத்தடுப்புப் பிரிவின் அதிகாரிகளால் இவர் கைது செய்யப்பட்டார்.
கைது செய்யப்பட்ட சந்தேகநபர் ஹொரனை, பெல்லப்பிட்டிய பகுதியைச் சேர்ந்த 32 வயதுடைய நபராவார்.
இந்தச் சம்பவம் தொடர்பில் 26 ஆம் திகதி முதல் அமுலுக்கு வரும் வகையில் குற்றத்தடுப்புப் பிரிவு பொறுப்பதிகாரி உள்ளிட்ட மூன்று அதிகாரிகளின் சேவைகள் இடைநிறுத்த நடவடிக்கை எடுக்கப்பட்டது.
சம்பவம் தொடர்பில் மேற்கு மாகாண தெற்கு குற்றத்தடுப்புப் பிரிவின் அதிகாரிகளால் முன்னெடுக்கப்பட்டு வரும் விசாரணைகளுக்கு அமைவாகவே, பணி நீக்கம் செய்யப்பட்டிருந்த குற்றத்தடுப்புப் பிரிவு பொறுப்பதிகாரி கைது செய்யப்பட்டதாகப் பொலிஸார் தெரிவித்தனர்.
