ஜப்பானில் நடைபெற்று வரும் 5 ஆவது ஆசிய பாரா விளையாட்டுப் போட்டியில், பெண்களுக்கான T47 200 மீட்டர் ஓட்டப்பந்தய பிரிவில் இலங்கையின் தனஞ்சனா விக்ரமசிங்க வெள்ளிப் பதக்கத்தை வென்றுள்ளார்.
அவர் பந்தய தூரத்தை 25.80 வினாடிகளில் நிறைவு செய்து இரண்டாம் இடத்தை பிடித்தார்.
இதன் மூலம், இப்போட்டிகளில் இலங்கையின் பதக்கப் பட்டியலில் மேலும் ஒரு பதக்கம் சேர்க்கப்பட்டுள்ளது.
முன்னதாக ஆண்களுக்கான நீளம் பாய்தல் T47 பிரிவில் இலங்கையின் மொஹமட் சஃப்ரான் வெண்கலப் பதக்கத்தை வென்றமையும் குறிப்பிடத்தக்கது.
நடைபெற்று வரும் 5 ஆவது ஆசிய பாரா விளையாட்டுப் போட்டியில், ஆண்களுக்கான நீளம் பாய்தல் T47 பிரிவில் இலங்கையின் மொஹமட் சஃப்ரான் வெண்கலப் பதக்கத்தை வென்றுள்ளார்.
இறுதி முயற்சியில் 6.55 மீற்றர் தூரம் பாய்ந்து மூன்றாவது இடத்தைப் பிடித்த சஃப்ரான், இலங்கைக்காகப் பதக்கத்தை உறுதிப்படுத்தினார்.
இதே போட்டியில் பங்கேற்ற இலங்கையின் மற்றுமொரு வீரரான யூசுப் சல்மான், இறுதி முயற்சிக்கு முன்னர் 6.40 மீற்றர் தூரம் பாய்ந்து மூன்றாவது இடத்தில் இருந்தார்.
எனினும், இறுதி முயற்சியில் அவரால் 6.28 மீற்றர் தூரம் மட்டுமே பாய முடிந்ததால், பதக்க வாய்ப்பை இழந்து நான்காவது இடத்தைப் பெற்றார்.
இந்தப் போட்டியில் இந்தியாவின் நிஷாத் குமார் 7.11 மீற்றர் தூரம் பாய்ந்து தங்கப் பதக்கத்தையும், உஸ்பெகிஸ்தானின் ஒமத்பெக் கசானோவ் 6.99 மீற்றர் தூரம் பாய்ந்து வெள்ளிப் பதக்கத்தையும் வென்றனர்.
இறுதி முயற்சியில் சஃப்ரான் வெளிப்படுத்திய சிறப்பான ஆட்டம் இலங்கைக்குப் பதக்கத்தைப் பெற்றுக்கொடுத்ததுடன், ஆசிய பாரா தடகளப் போட்டிகளில் இலங்கை வீரர்களின் திறமையையும் வெளிப்படுத்தியுள்ளது.
யூசுப் சல்மான் பதக்கத்தைத் தவறவிட்ட போதிலும், இரு இலங்கை வீரர்களும் பதக்கத்திற்காக இறுதிவரை போட்டியிட்டமை குறிப்பிடத்தக்கது.
