அனுராதபுரம் – நம்படகஸ்வேவ பகுதியில் மின்னல் தாக்கியதில் இரு பெண்கள் உயிரிழந்துள்ளதுடன், மேலும் ஒருவர் காயமடைந்துள்ளார்.
நிலவும் சீரற்ற காலநிலை மற்றும் மழை காரணமாக, வயல் பகுதியில் வேலை செய்துகொண்டிருந்த மூவர் பாதுகாப்பிற்காக அருகில் இருந்த மரமொன்றின் கீழ் நின்றுகொண்டிருந்தபோது இந்த விபத்து நேர்ந்துள்ளது.
அச்சமயம் திடீரென மின்னல் தாக்கியதில் காயமடைந்த மூவரும் உடனடியாக ரம்பேவ பிரதேச மருத்துவமனைக்குக் கொண்டு செல்லப்பட்டனர்.
அங்கு பரிசோதித்த மருத்துவர்கள், அவர்களில் 61 மற்றும் 26 வயதுடைய இரு பெண்கள் ஏற்கனவே உயிரிழந்துவிட்டதாகத் தெரிவித்தனர்.
மேலும், காயமடைந்த மற்றொரு பெண் மேலதிக சிகிச்சைக்காக அனுராதபுரம் போதனா மருத்துவமனைக்கு மாற்றப்பட்டுள்ளார்.
உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள
WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்
