தமிழகத்தின் நாம் தமிழர் கட்சி மாநில மகளிர் பாசறை பொறுப்பாளர் கார்த்திகா மற்றும் அவரது கணவர் அதிரடியாக கைது செய்யப்பட்டுள்ளதாக இந்திய ஊடகங்கள் செய்தி வெளியிட்டுள்ளன.
தாராபுரம் இடைத்தேர்தல் தொடர்பாக மூன்று வழக்குகள் கார்த்திகா மற்றும் நாம் தமிழர் கட்சியினர் மீது பதியப்பட்டுள்ளன.
தேர்தல் பணிகளில் ஈடுபட்ட கார்த்திகா உட்பட நாம் தமிழர் கட்சியினர் ஆறு பேர் இதுவரை கைது என தகவல் வெளியாகியுள்ளது.
நாம் தமிழர் கட்சியின் மாநில மகளிர் பாசறை பொறுப்பாளர் கார்த்திகா தாராபுரம் சட்டமன்ற தொகுதி இடைத்தேர்தலில் நாம் தமிழர் வேட்பாளராக போட்டியிட்டார்.
இந்த நிலையில் கடந்த இடைத்தேர்தலின் போது காவல் நிலையத்தை முற்றுகையிட்டது, முதலமைச்சர் வரும் பாதையில் பிரசாரம் மேற்கொண்டது என அடுத்தடுத்த வழக்குகளில் இன்று கைது செய்யப்பட்டுள்ளார்.
கோவை இல்லத்தில் இருந்த அவரையும் அவரது கணவரையும் தாராபுரம் காவல்துறையினர் கைது செய்து தாராபுரம் அழைத்துச் சென்றுள்ளதாக தெரிவிக்கப்படுகிறது.
