உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

இலங்கை பெண்ணின் திருமண பதிவு வழக்கை முடித்து வைத்தது சென்னை உயர்நீதிமன்றம்!

இந்திய செய்திகள் 2 மாதங்கள் முன்
113 பார்வைகள்

இலங்கையைச் சேர்ந்த பெண் ஒருவர் தனது திருமணத்தைப் பதிவு செய்யக் கோரி தாக்கல் செய்த வழக்கை முடித்துவைத்து சென்னை உயர்நீதிமன்ற மதுரை அமர்வு தீர்ப்பளித்துள்ளது. 

இலங்கையைச் சேர்ந்த பவித்ரா என்ற பெண், திருச்சி லால்குடியைச் சேர்ந்த அருண்குமார் என்பவரை கடந்த ஜூன் 4ஆம் திகதி குடும்பத்தினர் முன்னிலையில் திருமணம் செய்துகொண்டார். 

தங்களது திருமணத்தை விசேட திருமணச் சட்டத்தின் கீழ் பதிவு செய்ய லால்குடி சார் பதிவாளருக்கு உத்தரவிடுமாறு கோரி அவர் உயர்நீதிமன்ற மதுரை அமர்வில் மனு தாக்கல் செய்திருந்தார். 

இந்த மனுவை விசாரித்தபோது, மனுதாரர் கடந்த மே 14 ஆம் திகதி ஒரு மாத சுற்றுலா இ-விசாவில் இந்தியா வந்ததாகவும், ஜூன் 13ஆம் திகதியுடன் விசா காலம் முடிந்த நிலையிலும் இந்தியாவில் தொடர்ந்து தங்கியிருப்பது விசா விதிமுறை மீறல் என்றும் மத்திய அரசு தரப்பில் தெரிவிக்கப்பட்டது. 

இதனால் அவரை நாடுகடத்த நடவடிக்கை எடுக்கப்பட்டு வருவதாகவும் சட்டத்தரணி சுட்டிக்காட்டினார். 

வழக்கை விசாரித்த நீதிபதி சரவணன், மனுதாரர் கர்ப்பிணியாக இருப்பதை மருத்துவ அறிக்கை உறுதிப்படுத்தியுள்ளதையும் இந்தியாவில் அவரது கணவரைத் தவிர வேறு உறவினர்கள் இல்லாத சூழ்நிலையையும் சுட்டிக்காட்டினார். 

எனவே, அவருக்குத் தேவையான மருத்துவ உதவிகளை மத்திய மற்றும் மாநில அரசுகள் வழங்க வேண்டும் என உத்தரவிட்டார். 

மேலும், தற்போது இவர்கள் செய்துகொண்ட திருமணம் சட்டப்படி முழுமையாகப் பொருந்தாததால் நேரடியாகப் பதிவு செய்ய உத்தரவிட முடியாது என்று தெரிவித்த நீதிபதி, பொருத்தமான சட்டத்தின் கீழ் 60 நாட்களுக்குள் முறைப்படி திருமணத்தை நடத்திப் பதிவு செய்ய அவகாசம் அளித்தார். 

இந்த 60 நாட்களுக்கு மனுதாரரை நாடுகடத்தக் கூடாது என்றும், அதற்குள் திருமணம் முறைப்படி பதிவு செய்யப்பட்டால் சட்ட விதிகளுக்கு உட்பட்டு அவர் இந்தியாவில் தொடர்ந்து தங்க அனுமதிக்கப்பட வேண்டும் என்றும் கூறி வழக்கை முடித்துவைத்தார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இந்திய செய்திகள்

பெற்ற உரிமைகளை காப்போம்; மறுக்கப்படும் உரிமைகளை வெல்வோம் : மு.க.ஸ்டாலின் பதிவு

பெற்ற உரிமைகளை காப்போம்; மறுக்கப்படும் உரிமைகளை வெல்வோம் என திமுக தலைவர் மு.க.ஸ்டாலின் கூறியுள்ளார். திமுக தலைவர் மு.க.ஸ்டாலின் எக்ஸ் தளத்தில் வெளியிட்ட பதிவில், நீதிக்கட்சி பிறந்தது…

145 0 0
இந்திய செய்திகள்

மறைந்த எம்.எல்.ஏ விஎஸ் பாபுவின் இல்லத்திற்கு நேரில் சென்று தமிழக முதலமைச்சர் அஞ்சலி!

உடல்நலக்குறைவால் காலமான கொளத்தூர் தொகுதி சட்டமன்ற உறுப்பினர் வி.எஸ்.பாபுவின் இல்லத்திற்கு நேரில் சென்று தமிழக முதலமைச்சர் விஜய் நேற்று (19) இரவு மலர்மாலை வைத்து அஞ்சலி செலுத்தியுள்ளார்.…

132 0 0
இந்திய செய்திகள்

‘ஈடுசெய்ய முடியாத பேரிழப்பு’ – வி.எஸ். பாபு மறைவுக்கு விஜய் உருக்கம்!

கொளத்தூர் தொகுதி தமிழக வெற்றிக் கழகத்தின் (தவெக) சட்டமன்ற உறுப்பினர் வி.எஸ். பாபுவின் மறைவுக்கு தமிழக முதலமைச்சர் விஜய் ஆழ்ந்த இரங்கல் தெரிவித்துள்ளார். இது தொடர்பாக தனது…

152 0 0
இந்திய செய்திகள்

தமிழக சட்டமன்ற உறுப்பினர் வி.எஸ். பாபு காலமானார்!

தமிழக வெற்றிக் கழகத்தின் (தவெக) கொளத்தூர் தொகுதி சட்டமன்ற உறுப்பினர் வி.எஸ். பாபு , உடல்நலக் குறைவால் சென்னையில் உள்ள தனியார் மருத்துவமனையில் இன்று பிற்பகல் காலமானார்.…

149 0 0