உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

நுவரெலியாவில் கனமழை

இலங்கை செய்திகள் 2 மாதங்கள் முன்
139 பார்வைகள்

மத்திய மலைநாட்டின் நுவரெலியா மாவட்டத்தில் பல்வேறு பகுதிகளில் இடி, மின்னலுடன் கூடிய கனமழை பெய்து வருவதுடன், கடும் பனிமூட்டமும் நிலவி வருகிறது.

நுவரெலியா, நானுஓயா, லிந்துலை, தலவாக்கலை, ஹட்டன், டிக்கோயா, கொட்டகலை, பொகவந்தலாவ, நோர்வூட், மஸ்கெலியா, நல்லதண்ணி, நோட்டன், வட்டவளை உள்ளிட்ட பல பகுதிகளில் இந்த காலநிலை நிலவுவதாக தெரிவிக்கப்பட்டுள்ளது.

இதனால் வீதிகள் வழுக்கும் நிலையில் காணப்படுவதால், சாரதிகள் வாகனங்களின் மின்குமிழ்களை ஒளிரச் செய்து, மிகுந்த அவதானத்துடன் வாகனங்களை செலுத்துமாறு ஹட்டன் வலய காவல்துறை தலைமை அதிகாரி பிரதீப் வீரசேகர அறிவுறுத்தியுள்ளார்.

இதேவேளை, வார இறுதி விடுமுறையை முன்னிட்டு சிவனொளிபாதமலைக்கு செல்லும் பக்தர்கள், குறிப்பாக இளைஞர், யுவதிகள் அவதானமாக செயற்படுமாறு நல்லதண்ணி பொலிஸார் கோரிக்கை விடுத்துள்ளனர். மழை காரணமாக மலைப் படிக்கட்டுகளில் அதிகளவு நீர் செல்வதால், தவறி விழும் அபாயம் காணப்படுவதாகவும், மழை நேரத்தில் மலைக்குச் செல்வதை தவிர்க்குமாறும் அறிவுறுத்தப்பட்டுள்ளது.

தொடர்ந்து பெய்து வரும் கனமழையால் பெருந்தோட்டத் தொழிலாளர்கள், பாடசாலை மாணவர்கள், விவசாயிகள் மற்றும் பண்ணையாளர்களும் பாதிக்கப்பட்டுள்ளனர்.

மேலும், நீர்த்தேக்கங்களுக்கு நீரை வழங்கும் பிரதான ஆறுகள், ஓடைகள் மற்றும் நீர்வீழ்ச்சிகளில் நீர்வரத்து அதிகரித்துள்ளதால், அவற்றுக்கு அருகில் செல்வதை தவிர்க்குமாறு நுவரெலியா மாவட்ட அனர்த்த முகாமைத்துவ மத்திய நிலையம் அறிவித்துள்ளது.

இதேவேளை, மேல் கொத்மலை, மவுசாக்கலை, கொத்மலை, காசல்ரீ உள்ளிட்ட நீர்த்தேக்கங்களின் நீர்மட்டம் உயர்ந்து வருவதுடன், சில நீர்மின் நிலைய நீர்த்தேக்கங்களின் வான்கதவுகள் ஊடாக நீர் வெளியேற்றப்பட்டு வருவதாக தெரிவிக்கப்பட்டுள்ளது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

நிந்தவூர் கடலில் காணாமல் போன இளைஞர்கள் இருவரையும் தேடும் பணிகள் தீவிரம்!

அம்பாறை மாவட்டம், நிந்தவூர் கடற்கரையில் இன்று (20) மதியம் கடலில் நீராடச் சென்றவர்களில் திடீரென அலையில் இழுத்துச் செல்லப்பட்டவர்களுள் ஒருவர் உயிருடன் மீட்கப்பட்டு அம்பாறை பொது வைத்தியசாலையின்…

138 0 0
இலங்கை செய்திகள்

மோட்டார் சைக்கிளும் லொறியும் மோதி கோர விபத்து: 23 வயது இளைஞன் உயி@ரிழப்பு

அம்பாறை மாவட்டம், சம்மாந்துறை பொலிஸ் பிரிவிற்குட்பட்ட மல்வத்தைப் பகுதியில் இன்று (20) வெள்ளிக்கிழமை மாலை இடம்பெற்ற மோட்டார் சைக்கிள் மற்றும் லொறி ஆகியன மோதிய கோர விபத்தில்…

128 0 0
இலங்கை செய்திகள்

மூச்சுத் திணறல் காரணமாக 36 மாணவர்கள் வைத்தியசாலையில் அனுமதி!

மூச்சுத் திணறல் காரணமாக மஸ்கெலியா புனித ஜோசப் தேசிய பாடசாலையின் 36 மாணவர்கள் இன்று (20) மஸ்கெலியா பிரதேச வைத்தியசாலையில் அனுமதிக்கப்பட்டுள்ளனர். இன்று (20) காலை 8.45…

124 0 0
இலங்கை செய்திகள்

யாழில். திறந்தவெளியில் குப்பை எரிப்பு – நீதிமன்றில் விரிவான அறிக்கை சமர்ப்பிக்கப்படும் என அறிவிப்பு

யாழ்ப்பாணம் மாநகர சபை அதிகார எல்லைக்குள் திறந்தவெளியில் குப்பைகள் எரிக்கப்படுவது தொடர்பிலான விரிவான அறிக்கையொன்றை எதிர்வரும் காலத்தில் நீதிமன்றத்தில் சமர்ப்பிக்கவுள்ளதாக, அந்நகர சபையின் சார்பில் ஆஜரான சட்டத்தரணி…

134 0 0