உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

கொக்குத்தொடுவாய் உப்பள விவகாரம்: சட்ட நடவடிக்கை கோரிக்கை

இலங்கை செய்திகள் 2 மாதங்கள் முன்
174 பார்வைகள்

முல்லைத்தீவு – கொக்குத்தொடுவாய் மத்தி கிராம அலுவலர் பிரிவிற்குட்பட்ட குஞ்சுக்கால்வெளி பகுதியில் சட்டவிரோதமாக அமைக்கப்பட்டுள்ள உப்பளத்திற்கு எதிராக மகாவலி அதிகாரசபைக்கு எதிராக சட்ட நடவடிக்கை எடுக்குமாறு வன்னி மாவட்ட நாடாளுமன்ற உறுப்பினர் துரைராசா ரவிகரன் கோரிக்கை விடுத்துள்ளார்.

முல்லைத்தீவு மாவட்ட செயலகத்தில் நேற்று (01) நடைபெற்ற மாவட்ட அபிவிருத்தி ஒருங்கிணைப்புக் குழுக் கூட்டத்திலேயே இந்த விடயம் தொடர்பில் கலந்துரையாடப்பட்டுள்ளது.

குஞ்சுக்கால்வெளி பகுதியில் மகாவலி அபிவிருத்தி அதிகாரசபையின் துணையுடன் 44.197 ஏக்கர் காணிகள் ஆக்கிரமிக்கப்பட்டு சட்டவிரோதமாக உப்பளம் அமைக்கப்பட்டுள்ளதாக ரவிகரன் தெரிவித்துள்ளார்.

இதில் 13 ஏக்கர் 02 ரூட் அரச காணிகளாகவும், 31 ஏக்கருக்கும் அதிகமானவை தனியார் காணிகளாகவும் அடையாளம் காணப்பட்டுள்ளதாகவும் அவர் குறிப்பிட்டுள்ளார்.

குறித்த பகுதி வெலிஓயா பிரதேச செயலகத்திற்குட்பட்டது என மகாவலி அதிகாரசபை தெரிவித்து வந்த நிலையில், நிலஅளவைத் திணைக்களத்தின் சுவட்டு வரைபடத்தின் மூலம் அது கரைதுறைப்பற்று பிரதேச செயலகத்திற்குட்பட்ட கொக்குத்தொடுவாய் மத்தி கிராம அலுவலர் பிரிவில் அமைந்துள்ளதாக உறுதிப்படுத்தப்பட்டுள்ளதாகவும் ரவிகரன் தெரிவித்துள்ளார்.

மேலும், குறித்த காணிகளில் பெரும்பகுதி தமிழ் மக்களுக்குச் சொந்தமான தனியார் காணிகள் என ஆவணங்கள் மூலம் உறுதிப்படுத்தப்பட்டுள்ளதாகவும் அவர் சுட்டிக்காட்டியுள்ளார்.

இந்நிலையில், சட்டவிரோத உப்பளச் செயற்பாடுகளுக்கு எதிராக கரைதுறைப்பற்று பிரதேச செயலகம் மற்றும் முல்லைத்தீவு மாவட்ட செயலகம் சட்ட நடவடிக்கை எடுக்க வேண்டும் என ரவிகரன் வலியுறுத்தியுள்ளார்.

இதனிடையே, இந்த விவகாரம் தொடர்பான ஆவணங்கள் அனைத்தும் மாவட்ட செயலகத்தின் காணிப்பிரிவினால் திரட்டப்பட்டுள்ளதாகவும், கரைதுறைப்பற்று பிரதேச செயலகம் மற்றும் பிரதேச சபையுடன் கலந்துரையாடி சட்டவிரோத உப்பளத்திற்கு எதிராக நடவடிக்கை எடுக்கப்படும் என முல்லைத்தீவு மாவட்ட செயலகத்தின் காணிக்குரிய மேலதிக மாவட்ட செயலாளர் தெரிவித்துள்ளார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

நிந்தவூர் கடலில் காணாமல் போன இளைஞர்கள் இருவரையும் தேடும் பணிகள் தீவிரம்!

அம்பாறை மாவட்டம், நிந்தவூர் கடற்கரையில் இன்று (20) மதியம் கடலில் நீராடச் சென்றவர்களில் திடீரென அலையில் இழுத்துச் செல்லப்பட்டவர்களுள் ஒருவர் உயிருடன் மீட்கப்பட்டு அம்பாறை பொது வைத்தியசாலையின்…

138 0 0
இலங்கை செய்திகள்

மோட்டார் சைக்கிளும் லொறியும் மோதி கோர விபத்து: 23 வயது இளைஞன் உயி@ரிழப்பு

அம்பாறை மாவட்டம், சம்மாந்துறை பொலிஸ் பிரிவிற்குட்பட்ட மல்வத்தைப் பகுதியில் இன்று (20) வெள்ளிக்கிழமை மாலை இடம்பெற்ற மோட்டார் சைக்கிள் மற்றும் லொறி ஆகியன மோதிய கோர விபத்தில்…

128 0 0
இலங்கை செய்திகள்

மூச்சுத் திணறல் காரணமாக 36 மாணவர்கள் வைத்தியசாலையில் அனுமதி!

மூச்சுத் திணறல் காரணமாக மஸ்கெலியா புனித ஜோசப் தேசிய பாடசாலையின் 36 மாணவர்கள் இன்று (20) மஸ்கெலியா பிரதேச வைத்தியசாலையில் அனுமதிக்கப்பட்டுள்ளனர். இன்று (20) காலை 8.45…

124 0 0
இலங்கை செய்திகள்

யாழில். திறந்தவெளியில் குப்பை எரிப்பு – நீதிமன்றில் விரிவான அறிக்கை சமர்ப்பிக்கப்படும் என அறிவிப்பு

யாழ்ப்பாணம் மாநகர சபை அதிகார எல்லைக்குள் திறந்தவெளியில் குப்பைகள் எரிக்கப்படுவது தொடர்பிலான விரிவான அறிக்கையொன்றை எதிர்வரும் காலத்தில் நீதிமன்றத்தில் சமர்ப்பிக்கவுள்ளதாக, அந்நகர சபையின் சார்பில் ஆஜரான சட்டத்தரணி…

134 0 0