உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

மார்ச் 31 முதல் சாரதிகளுக்கு புள்ளி இழப்பு முறைமை!

இலங்கை செய்திகள் 2 மாதங்கள் முன்
143 பார்வைகள்

கொழும்பு, ஒக்டோபர் 2 – சாரதிகளின் வீதி ஒழுக்கத்தை மேம்படுத்தி, வீதி விபத்துகள் மற்றும் உயிரிழப்புகளைக் குறைக்கும் நோக்கில் அறிமுகப்படுத்தப்பட்டுள்ள சாரதிகளுக்கான புள்ளி இழப்பு (De-merit) முறைமை, அடுத்த ஆண்டு மார்ச் 31ஆம் திகதி முதல் நாடு முழுவதும் முழுமையாக அமுல்படுத்தப்படும் என போக்குவரத்துப் பொறுப்புக்கான பிரதி பொலிஸ் அதிபர் W.P.J. சேனாரத்ன தெரிவித்துள்ளார்.

இந்த முறைமையை வெற்றிகரமாக நடைமுறைப்படுத்துவதற்காக இலங்கை பொலிஸ், போக்குவரத்து அமைச்சு, டிஜிட்டல் பொருளாதார அமைச்சு, மோட்டார் போக்குவரத்துத் திணைக்களம் (DMT) மற்றும் அரச தகவல் தொழில்நுட்ப நிறுவனங்கள் உள்ளிட்ட பல்வேறு தரப்புகள் இணைந்து செயற்பட்டு வருகின்றன.

இதற்கான தொழில்நுட்பக் கட்டமைப்புகளை உருவாக்கும் பணிகளும் விசேட நிபுணர் குழுவினால் முன்னெடுக்கப்பட்டு வருகின்றன.

தற்போது இத்திட்டம் முன்னோடித் திட்டமாக நடைமுறைப்படுத்தப்பட்டுள்ளதுடன், அபராதம் செலுத்தும் சாரதிகள் தங்களது ஸ்மார்ட்போன்கள் ஊடாக தற்போதைய புள்ளி நிலை மற்றும் குறைக்கப்பட்டுள்ள புள்ளிகள் தொடர்பான தகவல்களை அறிந்துகொள்ளக்கூடிய சோதனை முறைமையும் செயற்படுத்தப்பட்டு வருகிறது.

அத்துடன், இந்த முறைமையை சட்டரீதியாக மேலும் வலுப்படுத்தும் நோக்கில், தற்போதைய சட்ட விதிகள் மற்றும் தொடர்புடைய ஏற்பாடுகள் சட்டக் குழுவொன்றினால் மீளாய்வு செய்யப்பட்டு, தேவையான திருத்தங்கள் மேற்கொள்ளப்பட்டு வருகின்றன.

புள்ளி இழப்பு முறைமை முழுமையாக அமுல்படுத்தப்படுவதன் மூலம் சாரதிகள் மத்தியில் சுய ஒழுக்கமும் பொறுப்புணர்வும் அதிகரிக்கும் என எதிர்பார்க்கப்படுகிறது.

வீதி விதிகளை மீறுவதன் மூலம் புள்ளிகளை இழக்க நேரிடும் என்ற அச்சுறுத்தலின் காரணமாக சாரதிகள் போக்குவரத்து விதிகளை கடைப்பிடித்து பொறுப்புடன் வாகனங்களை செலுத்துவார்கள் எனவும், இதன் மூலம் நாட்டில் இடம்பெறும் கடுமையான வீதி விபத்துகள் மற்றும் அவற்றினால் ஏற்படும் உயிரிழப்புகளை கணிசமாகக் குறைக்க முடியும் எனவும் பிரதி பொலிஸ் அதிபர் W.P.J. சேனாரத்ன மேலும் தெரிவித்துள்ளார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

நிந்தவூர் கடலில் காணாமல் போன இளைஞர்கள் இருவரையும் தேடும் பணிகள் தீவிரம்!

அம்பாறை மாவட்டம், நிந்தவூர் கடற்கரையில் இன்று (20) மதியம் கடலில் நீராடச் சென்றவர்களில் திடீரென அலையில் இழுத்துச் செல்லப்பட்டவர்களுள் ஒருவர் உயிருடன் மீட்கப்பட்டு அம்பாறை பொது வைத்தியசாலையின்…

138 0 0
இலங்கை செய்திகள்

மோட்டார் சைக்கிளும் லொறியும் மோதி கோர விபத்து: 23 வயது இளைஞன் உயி@ரிழப்பு

அம்பாறை மாவட்டம், சம்மாந்துறை பொலிஸ் பிரிவிற்குட்பட்ட மல்வத்தைப் பகுதியில் இன்று (20) வெள்ளிக்கிழமை மாலை இடம்பெற்ற மோட்டார் சைக்கிள் மற்றும் லொறி ஆகியன மோதிய கோர விபத்தில்…

128 0 0
இலங்கை செய்திகள்

மூச்சுத் திணறல் காரணமாக 36 மாணவர்கள் வைத்தியசாலையில் அனுமதி!

மூச்சுத் திணறல் காரணமாக மஸ்கெலியா புனித ஜோசப் தேசிய பாடசாலையின் 36 மாணவர்கள் இன்று (20) மஸ்கெலியா பிரதேச வைத்தியசாலையில் அனுமதிக்கப்பட்டுள்ளனர். இன்று (20) காலை 8.45…

124 0 0
இலங்கை செய்திகள்

யாழில். திறந்தவெளியில் குப்பை எரிப்பு – நீதிமன்றில் விரிவான அறிக்கை சமர்ப்பிக்கப்படும் என அறிவிப்பு

யாழ்ப்பாணம் மாநகர சபை அதிகார எல்லைக்குள் திறந்தவெளியில் குப்பைகள் எரிக்கப்படுவது தொடர்பிலான விரிவான அறிக்கையொன்றை எதிர்வரும் காலத்தில் நீதிமன்றத்தில் சமர்ப்பிக்கவுள்ளதாக, அந்நகர சபையின் சார்பில் ஆஜரான சட்டத்தரணி…

134 0 0