யாழ்ப்பாண சிறைச்சாலையில் விளக்கமறியல் வைக்கப்பட்ட கைதி ஒருவர் பிணையில் விடுவிக்கப்பட்ட அன்றைய தினம் திடீரென மயங்கி விழுந்ததால் யாழ். போதனா வைத்தியசாலையில் அனுமதிக்கப்பட்ட நிலையில் உயிரிழந்துள்ளார்.
குறித்த சம்பவத்தில் சந்தேகநபரான இளவாளைப் பகுதியைச் சேர்ந்த 3 பிள்ளைகளின் தந்தையான 39 வயதுடைய ஜெயன் என்பவரே இவ்வாறு மரணம் அடைந்துள்ளார்.
குறித்த கைதி சிறையில் விளக்கமறியலில் வைக்கப்பட்ட நாட்களில் நோய்வாய்ப்பட்டு இருக்கலாம் என வீட்டார் சந்தேகம் வெளியிடுகின்றனர். இந்நிலையில் சிறைச்சாலை நிர்வாகத்தின் அலட்சியமே உயிரிழப்புக்கு காரணம் என குற்றச்சாட்டை முன்வைக்கின்றனர்.
குறித்த விடயம் தொடர்பில் இலங்கை மனித உரிமைகள் ஆணைக்குழுவின் யாழ். பிராந்திய அலுவலகத்தில் முறைப்பாடு பதிவு செய்யப்பட்டுள்ளது.
உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள
WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்
