தமிழ்நாடு முதலமைச்சரும் நடிகருமான விஜய்யின் குடும்பம் தொடர்பான தகவல்கள் சமூக வலைத்தளங்களில் வெளியாகும் போதெல்லாம், அவை ரசிகர்கள் மத்தியில் அதிக கவனத்தை ஈர்த்து வருகின்றன.
அந்த வகையில், விஜய்யின் மகள் திவ்யா சாஷா பெயரில் இயங்கி வருவதாகக் கூறப்படும் இன்ஸ்டாகிராம் கணக்கு ஒன்று தற்போது சமூக வலைத்தளங்களில் வைரலாகி வருகிறது.
அந்தக் கணக்கில் திவ்யா சாஷா தொடர்பான புகைப்படங்கள் மற்றும் காணொளிகள் பதிவிடப்பட்டுள்ளதுடன், அண்மையில் உணவகத்தில் அவர் இருப்பது போன்ற சில புகைப்படங்களும் பகிரப்பட்டுள்ளன.
மேலும், அந்தக் கணக்கில் ஜேசன் சஞ்சயின் கணக்கும், விஜய்யின் கணக்கும் குடும்ப உறவுகளைக் குறிப்பிடும் வகையில் இணைக்கப்பட்டுள்ளதாகக் கூறப்படுகிறது.
இதனால், இது உண்மையில் திவ்யா சாஷாவின் அதிகாரப்பூர்வ கணக்கா அல்லது போலியான கணக்கா என்ற கேள்வி ரசிகர்கள் மத்தியில் எழுந்துள்ளது.
இதேபோன்று, கடந்த ஏப்ரல் மாதத்திலும் திவ்யா சாஷா பெயரில் ஒரு சமூக ஊடகக் கணக்கு வைரலான நிலையில், சில நாட்களுக்குப் பின்னர் அந்தக் கணக்கு காணாமல் போயிருந்ததாகக் கூறப்படுகிறது.
இதனிடையே, ஜேசன் சஞ்சய் முன்னதாக வழங்கியிருந்த பேட்டியொன்றில், தனது அதிகாரப்பூர்வ இன்ஸ்டாகிராம் கணக்கை தனது குழுவினரே நிர்வகிப்பதாகவும், சமூக வலைத்தளங்களில் தொடர்ந்து பதிவிடுவதில் தனக்கு அதிக ஆர்வம் இல்லை என்றும் தெரிவித்திருந்தார்.
இதனால், தற்போது திவ்யா சாஷா பெயரில் வைரலாகி வரும் கணக்கின் உண்மைத் தன்மை குறித்து ரசிகர்கள் மத்தியில் குழப்பம் நீடித்து வருகிறது.
எனினும், குறித்த இன்ஸ்டாகிராம் கணக்கு திவ்யா சாஷாவின் அதிகாரப்பூர்வ கணக்கா என்பது இதுவரை உறுதிப்படுத்தப்படவில்லை என இந்திய ஊடகங்கள் தெரிவிக்கின்றன.
