உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

டிரம்ப்பிற்கும் புட்டினிற்கும் இடையே தொலைபேசியில் உரையாடல்!

உலக செய்திகள் 2 மாதங்கள் முன்
213 பார்வைகள்

அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடினுடன் தொலைபேசியில் உரையாற்றியுள்ளார்.

யுக்ரைனில் அமைதி ஒப்பந்தத்தை எட்டும் முயற்சிகளை வெள்ளை மாளிகை தீவிரப்படுத்தியுள்ள நிலையில் இந்த உரையாடல் நிகழ்த்தப்பட்டுள்ளது.

இரண்டு தலைவர்களின் ஒரு மணி நேர உரையாடல் “ஆக்கபூர்வமாகவும் மிகவும் வெளிப்படையாகவும்” அமைந்ததாக புடினின் வெளிவிவகார ஆலோசகர் யூரி உஷாகோவ் செவ்வாய்க்கிழமை தெரிவித்தார்.

யுக்ரைனில் நடந்து வரும் போர் மற்றும் களத்தில் ராணுவ இலக்குகளை அடைவதற்கான ரஷ்யாவின் திட்டங்கள் குறித்து இதன்போது புடின் பேசியதாக உஷாகோவ் குறிப்பிட்டார்.

நேட்டோ உறுப்பு நாடுகள் உட்பட ஐரோப்பா மீது ரஷ்யா எதிர்காலத்தில் தாக்குதல்களை நடத்தக்கூடும் என்ற அச்சத்தை புடின் இந்த உரையாடலின்போது நிராகரித்துள்ளார்.

ஐரோப்பாவை நோக்கி எந்தவித ஆக்கிரமிப்பு திட்டமும் தங்களிடம் இல்லை என்றும் அவர் வலியுறுத்தியுள்ளார்.

யுக்ரைனில் போரை முடிவுக்குக் கொண்டுவருவதற்கான முன்மொழிவுகள் குறித்து விவாதிக்கஇ அமெரிக்க சிறப்புத் தூதர்களான ஜாரெட் குஷ்னர் மற்றும் ஸ்டீவ் விட்கோப் ஆகியோர் அண்மையில் புடின் மற்றும் யுக்ரைன் ஜனாதிபதி வோலோடிமிர் ஸெலென்ஸ்கியை தனித்தனியாக சந்தித்துப் பேசிய சில நாட்களுக்குப் பிறகு இந்தத் தொலைபேசி உரையாடல் நடந்துள்ளது.

பேச்சுவார்த்தைக்காக சண்டைகள் சுருக்கமாக நிறுத்தப்பட்டிருந்த போதிலும், இந்தச் சந்திப்புகள் எந்தவொரு பெரிய திருப்புமுனையையும் ஏற்படுத்தவில்லை.

இந்த நிலையில்இ செவ்வாய்க்கிழமை காலை கீவ் நகர் மீது ரஷ்யா நடத்திய தாக்குதல்களில் குறைந்தது 5 பொதுமக்கள் கொல்லப்பட்டதாகவும்இ 25 பேர் காயமடைந்ததாகவும் யுக்ரைன் அதிகாரிகள் தெரிவித்துள்ளனர்.

இதற்கிடையில்இ பிரியான்ஸ்க் மற்றும் குர்ஸ்க் பிராந்தியங்களில் 3 பேர் கொல்லப்பட்டதாகவும், கிரிமியாவில் யுக்ரைன் நடத்திய தாக்குதல்களில் சுமார் 5 பேர் கொல்லப்பட்டதாகவும் ரஷ்ய தரப்பு தெரிவித்துள்ளது.

2022 பெப்ரவரியில் தொடங்கிய இந்த போரை முடிவுக்குக் கொண்டுவருவதை தனது இரண்டாவது நிர்வாகத்தின் முன்னுரிமையாக ட்ரம்ப் அறிவித்துள்ளார்.

இருப்பினும்இ யுக்ரைன் மற்றும் ஐரோப்பிய அதிகாரிகளை முழுமையாக ஈடுபடுத்தாமல் போரை முடிக்க முயல்வதாக ட்ரம்ப் நிர்வாகம் விமர்சனங்களை எதிர்கொண்டுள்ளது.

இந்தநிலையில் விரைவில் ட்ரம்பும் ஸெலென்ஸ்கியும் சந்திக்கவுள்ளனர்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

139 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0