உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

ஈரானின் உயர் தலைவர் மொஜ்தபா கமேனியின் உடல்நிலை மோசமாகி வருவதாகத் தகவல்!

உலக செய்திகள் 3 மாதங்கள் முன்
174 பார்வைகள்

ஈரானின் புதிய ஆன்மீக உயர் தலைவர் மொஜ்தபா கமேய்னியின் உடல்நிலை மிகவும் கவலைக்கிடமான நிலையை எட்டியுள்ளதாகவும், அவர் அவசரமாக மருத்துவமனைக்குக் கொண்டு செல்லப்பட்டுள்ளதாகவும் இஸ்ரேலிய ஊடகங்கள் செய்தி வெளியிட்டுள்ளன.

ஈரான் ஆட்சியின் உயர் மட்டங்களில் இது குறித்துப் பரவலாகப் பேசப்பட்டு வருவதாகவும், அவரது மறைவு குறித்த அறிவிப்பு விரைவில் வெளியானாலும் ஆச்சரியப்படுவதற்கில்லை என்றும் அச்செய்திகளில் குறிப்பிடப்பட்டுள்ளது.

அமெரிக்கா மற்றும் இஸ்ரேல் நடத்திய கூட்டு இராணுவத் தாக்குதலில் முன்னாள் உயர் தலைவர் அயதுல்லா அலி கமேய்னி கொல்லப்பட்டதைத் தொடர்ந்து, அவரது மகனான மொஜ்தபா கொமெய்னி புதிய உயர் தலைவராகப் பொறுப்பேற்றார்.

இருப்பினும், பதவியேற்ற நாள் முதல் அவர் பொது நிகழ்ச்சிகளிலோ அல்லது தனது தந்தையின் இறுதிச் சடங்கிலோ நேரடியாகப் பங்கேற்காமல் எழுத்துப்பூர்வ அறிக்கைகளை மட்டுமே வெளியிட்டு வந்தார்.

குறித்த தாக்குதலில் அவரும் காயமடைந்து தோற்றச்சிதைவுக்கு உள்ளானதால் தலைமறைவாக இருப்பதாகவும், அவர் ஈரானில் இல்லை என்று ஐக்கிய அரபு அமீரக ஊடகம் ஒன்று செய்தி வெளியிட்டிருந்ததும் குறிப்பிடத்தக்கது.

சமீபத்தில் அமெரிக்க அதிபர் டொனால்ட் டிரம்ப் அளித்த பேட்டி ஒன்றில், குறிப்பிட்ட இராணுவ நடவடிக்கைக்குப் பிறகு கமேய்னி 90% செயலிழந்துவிட்டதாகத் தெரிவித்திருந்தார்.

மேலும், ஈரான் ஜனாதிபதி மசூத் பெசெஷ்கியனும் அவரை நேரடியாகத் தொடர்புகொள்வது கடினமாக உள்ளதை ஒப்புக்கொண்டிருந்தார்.

ஈரான் சுகாதாரத்துறை அதிகாரிகள் அவருக்குச் சாதாரண காயங்களே ஏற்பட்டதாகத் தொடர்ந்து மறுத்து வந்த போதிலும், தற்போது இஸ்ரேலிய ஊடகங்கள் வெளியிட்டுள்ள இச்செய்தி குறித்து ஈரான் அரசு இதுவரை எவ்வித அதிகாரப்பூர்வ மறுப்பையும் வெளியிடவில்லை என்பது குறிப்பிடத்தக்கது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

140 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0