உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

மூன்று தசாப்தங்களுக்குப் பின்னர் ஐரோப்பாவில் முழு சூரிய கிரகணம்!

உலக செய்திகள் 4 மாதங்கள் முன்
186 பார்வைகள்

ஐரோப்பா முழுவதும் உள்ள மில்லியன் கணக்கான வானியல் ஆர்வலர்கள், எதிர்வரும் ஆகஸ்ட் 12 ஆம் திகதி நடைபெறவுள்ள அரிய வானியல் நிகழ்வை காண தயாராகி வருகின்றனர்.

1999 ஆம் ஆண்டுக்குப் பின்னர் முதன்முறையாக ஐரோப்பாவின் பிரதான நிலப்பரப்பில் முழுமையான சூரிய கிரகணம் (Total Solar Eclipse) நிகழவுள்ளது.

பூமிக்கும் சூரியனுக்கும் இடையில் சந்திரன் நேரடியாகச் சென்று சூரியனை முழுமையாக மறைக்கும் போது முழு சூரிய கிரகணம் ஏற்படுகிறது.

இந்த நிகழ்வின் உச்சக்கட்டமான சில நிமிடங்களில் பகல் நேரம் மாலை இருள் போன்ற தோற்றத்தை பெறும்.

பிரகாசமான நட்சத்திரங்கள் தென்படும் நிலையில், வெப்பநிலையும் குறையக்கூடும்.

மேலும், சூரியனின் வெளிப்புற மங்கலான வளிமண்டலமான கொரோனா (Corona) பகுதியை வெறும் கண்களால் காணும் வாய்ப்பும் கிடைக்கும்.

இந்த முழு சூரிய கிரகணம், ஐரோப்பாவின் சில பகுதிகளை குறுகிய நேரத்திற்கு இருளில் மூழ்கச் செய்யும் என எதிர்பார்க்கப்படுகிறது.

கடைசியாக ஐரோப்பாவின் பிரதான நிலப்பரப்பில் முழு சூரிய கிரகணம் 1999 ஆகஸ்ட் 11ஆம் திகதி இடம்பெற்றது.

அப்போது சந்திரனின் நிழல் பிரான்ஸ், ஜெர்மனி, ஆஸ்திரியா, ஹங்கேரி, ருமேனியா மற்றும் பல்கேரியா உள்ளிட்ட நாடுகளை கடந்து சென்றது.

அதன் பின்னர் ஐரோப்பாவில் முழு கிரகணக் காட்சி தொலைதூர பகுதிகளில் மட்டுமே பதிவாகியுள்ளது.

2006 ஆம் ஆண்டு ரஷ்யா மற்றும் ஜோர்ஜியாவின் சில பகுதிகளிலும், 2015ஆம் ஆண்டு பேரோ தீவுகள் மற்றும் நோர்வேயின் ஸ்வால்பார்ட் தீவுக்கூட்டத்திலும் முழு சூரிய கிரகணம் காணப்பட்டது.

எனினும், ஐரோப்பாவின் பெரும்பாலான பகுதிகள் மீண்டும் இதுபோன்ற ஒரு அரிய வானியல் நிகழ்வுக்காக கிட்டத்தட்ட 30 ஆண்டுகள் காத்திருந்தன.

வானியல் கணிப்புகளின்படி, 2026 ஆகஸ்ட் 12ஆம் திகதி இடம்பெறவுள்ள முழு சூரிய கிரகணத்தின் முழுமை பாதை, ரஷ்யாவின் வடக்குப் பகுதியிலிருந்து ஆரம்பமாகி, பின்னர் கிரீன்லாந்தை கடந்து, ஐஸ்லாந்தின் மேற்குப் பகுதியை ஒட்டி நகரும்.

அதனைத் தொடர்ந்து சந்திரனின் நிழல் ஸ்பெயினின் வடக்கு மற்றும் கிழக்குப் பகுதிகள் வழியாகச் செல்லும்.

இதனால், இந்த அரிய நிகழ்வை பார்வையிட மில்லியன் கணக்கான மக்கள் ஒன்று கூடுவார்கள் என எதிர்பார்க்கப்படுகிறது.

மேலும், போர்த்துக்கலின் வடகிழக்குப் பகுதியிலுள்ள சிறிய பகுதியிலும் முழு சூரிய கிரகணத்தை காண முடியும். சில சதுர கிலோமீட்டர் பரப்பளவில் மட்டுமே இந்த அனுபவம் கிடைத்தாலும், கிரகணப் பாதையில் இடம்பெறும் ஐந்தாவது நாடாக போர்த்துக்கல் அமையும்.

இதேவேளை, இந்தியா மற்றும் இலங்கையில் இந்த சூரிய கிரகணம் பிற்பகல் மற்றும் மாலை நேரத்தில் இடம்பெறும் என எதிர்பார்க்கப்படுகிறது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

140 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0