உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

பயண அனுமதிப் பத்திர கட்டண விவகாரம் – பிரிட்டிஷ் எயார் வேய்ஸுக்கு கடும் விமர்சனம்!

உலக செய்திகள் 5 மாதங்கள் முன்
79 பார்வைகள்


பிரித்தானியாவின் முன்னணி விமான சேவை நிறுவனமான பிரிட்டிஷ் எயார் வேய்ஸ், பயணிகளுக்கு தேவையான பயண அனுமதிப் பத்திரங்களை ((Travel Permits) அதிக கட்டணத்தில் வழங்கும் நிறுவனத்தை தனது இணையதளத்தின் மூலம் பரிந்துரைப்பதாக குற்றச்சாட்டு எழுந்துள்ளது. இதையடுத்து அந்நிறுவனம் கடும் விமர்சனங்களை எதிர்கொண்டுள்ளது.

பிரிட்டிஷ் ஏர்வேஸ் தனது இணையதளத்தில் பயண அனுமதிப் பத்திர சேவைகளை வழங்கும் Sherpa என்ற நிறுவனத்தின் சேவையை பயணிகளுக்கு அறிமுகப்படுத்துகிறது.

ஆனால், இந்த நிறுவனம் அரசாங்கத்தின் அதிகாரப்பூர்வ இணையதளங்களில் வசூலிக்கப்படும் கட்டணத்தை விட குறிப்பிடத்தக்க அளவில் அதிக தொகையை அறவிடுவதாக தெரிவிக்கப்பட்டுள்ளது.

உதாரணமாக அமெரிக்காவுக்குச் செல்ல தேவையான ESTA எனப்படும் 90 நாட்கள் செல்லுபடியாகும் பயண அனுமதிப் பத்திரத்திற்கு அமெரிக்க அதிகாரப்பூர்வ இணையதளம் சுமார் 30 பவுண்டுகள் மட்டுமே வசூலிக்கிறது.

ஆனால் அதே அனுமதிப் பத்திரத்தை Sherpa நிறுவனம் 51 பவுண்டுகளுக்கு விற்பனை செய்கிறது. அதேபோல் அவுஸ்திரேலியாவின் eVisitor அனுமதிப் பத்திரம் அரசின் இணையதளத்தில் இலவசமாக கிடைக்கும்போதும்,Sherpa அதற்காக 17 பவுண்டுகள் கட்டணம் வசூலிக்கிறது.

இந்த விவகாரம் குறித்து நுகர்வோர் நல ஆலோசகரான மார்ட்டின் லூயிஸ் கடுமையாக விமர்சித்துள்ளார். ‘பிரிட்டிஷ் ஏர்வேஸ் என்பது தரமான சேவைக்காக அறியப்படும் பிரித்தானியாவின் தேசிய விமான நிறுவனம்.

ஆனால், இந்த நடைமுறை அதை ஒரு நம்பகமான நிறுவனமாக அல்லாமல், அதிக லாபம் நோக்கும் நிறுவனமாக காட்டுகிறது’ என்று அவர் தெரிவித்துள்ளார்.

இந்த விவகாரம் சமூக வலைத்தளங்களிலும் பரவலாக பேசப்பட்டு வரும் நிலையில்,  பயணிகள் அதிகாரப்பூர்வ அரசாங்க இணையதளங்கள் மூலமாகவே பயண அனுமதிப் பத்திரங்களை பெற்றுக்கொள்ள வேண்டும் என நுகர்வோர் அமைப்புகள் அறிவுறுத்தியுள்ளன.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

140 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

145 0 0