சர்வதேச சந்தையில் மசகு எண்ணெய் விலையில் கடுமையான வீழ்ச்சி!

ஹோர்முஸ் நீரிணை வழியாக அதிக எண்ணிக்கையிலான எண்ணெய் ஏற்றிச் செல்லும் கப்பல்கள் வெளியேறியதைத் தொடர்ந்து, பெப்ரவரி மாத இறுதியில் ஈரான் போர் தொடங்குவதற்கு முந்தைய நிலையை விட எண்ணெய் விலைகள் சரிந்துள்ளன.

அதன்படி, உலகளாவிய அளவுகோலாகக் கருதப்படும் பிரெண்ட் மசகு எண்ணெய் விலை இன்றைய (25) வர்த்தகத்தில் ஒரு பீப்பாய்க்கு 72.24 டொலர் என்ற குறைந்தபட்ச நிலைக்குச் சரிந்தது.

அதேநேரம், அமெரிக்காவில் தயாரிக்கப்பட்ட வெஸ்ட் டெக்சாஸ் இன்டர்மீடியட் மசகு எண்ணெய் விலை, ஒரு பீப்பாய்க்கு 1.3 சதவீதத்திற்கும் மேல் சரிந்து, 69.41 டொலர்களாக குறைந்தது.

இது பெப்ரவரி 28 அன்று தெஹ்ரான் மீது அமெரிக்காவும் இஸ்ரேலும் ஏவுகணைத் தாக்குதல்களை நடத்துவதற்கு முந்தைய நாளிலிருந்து எண்ணெய் விலையை விடக் குறைவானதாகும்.

ஈரானுடனான போரை முடிவுக்குக் கொண்டுவருவதற்கான ஒரு பாதையை அமைத்து, அதனுடனான ஒப்பந்தம் இறுதியாக எட்டப்பட்டதாக அமெரிக்க ஜனாதிபதி டொனால்ட் ட்ரம்ப் கூறிய ஜூன் மாத நடுப்பகுதியிலிருந்து மசகு எண்ணெய் விலை 20 சதவீதத்திற்கும் மேல் சரிந்துள்ளமையும் குறிப்பிடத்தக்கது.