உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

விசேட  BMD ஏவுகணையை வெற்றிகரமாக சோதனை செய்தது இந்தியா!

இந்திய செய்திகள் 5 மாதங்கள் முன்
91 பார்வைகள்

கண்டம் விட்டு கண்டம் பாயும் எதிரிகளின் ஏவுகணைகளை நடுவானில் இடைமறித்து அழிக்கும் திறன் கொண்ட விசேட பிஎம்டி (Ballistic Missile Defence – BMD) ரக ஏவுகணை மற்றும் போர்க்கப்பல்களைத் தாக்கி அழிக்கும் ஏவுகணைகளின் சோதனைகளை இந்தியா வெற்றிகரமாக நடத்தியுள்ளது.


ஒடிசா மாநிலம் சந்திப்பூரில் (Chandipur) அமைந்துள்ள ஏவுகணை சோதனை தளத்தில் இருந்தே இந்த அதிநவீன ஏவுகணை சோதனைகள் வெற்றிகரமாகச் செய்து பார்க்கப்பட்டுள்ளன.

உலக அளவில் அமெரிக்கா, ரஷ்யா, சீனா, பிரான்ஸ், இந்தியா, பிரிட்டன், வடகொரியா மற்றும் இஸ்ரேல் ஆகிய 8 நாடுகளிடம் மட்டுமே கண்டம் விட்டு கண்டம் பாயும் பாலிஸ்டிக் ஏவுகணைகள் கைவசம் உள்ளன.

இந்த வகை ஏவுகணைகள் ஏவப்பட்டவுடன், பூமியின் வளிமண்டலத்தைத் தாண்டி விண்வெளிக்கு வெளியே செல்லும்.

பின்னர் அங்கிருந்து மீண்டும் வளிமண்டலத்திற்குள் மிக அதிவேகமாக நுழைந்து, நிர்ணயிக்கப்பட்ட இலக்குகளைத் துல்லியமாகத் தாக்கி அழிக்கும் வல்லமை கொண்டவை.

பூமியின் வளிமண்டலத்திற்கு வெளியே சென்று அதிவேகமாகத் திரும்பி வரும் இத்தகைய ஆபத்தான கண்டம் விட்டு கண்டம் பாயும் ஏவுகணைகளை நடுவானில் துல்லியமாகக் கணித்து, இடைமறித்து அழிப்பது என்பது தொழில்நுட்ப ரீதியாக மிகவும் கடினமான ஒரு செயலாகும்.


இதுவரை அமெரிக்கா, ரஷ்யா, சீனா மற்றும் இஸ்ரேல் ஆகிய நான்கு வல்லரசு நாடுகளிடம் மட்டுமே இத்தகைய ஐசிபிஎம் ஏவுகணைகளை நடுவானில் தடுத்து அழிக்கும் ஏவுகணைத் தடுப்பு அமைப்புகள் இருந்தன.

தற்போது ஒடிசாவில் நடத்தப்பட்ட வெற்றிகரமான பிஎம்டி ஏவுகணை சோதனை மூலம், இந்த விசேட தொழில்நுட்பத்தைக் கொண்ட உலகின் 5ஆவது நாடாக இந்தியா இணைந்து வரலாற்றுச் சாதனை படைத்துள்ளது.

இந்த புதிய பாதுகாப்புத் திறன் மூலம், இந்தியாவின் வான்பரப்பு மற்றும் எல்லைகளுக்கு ஏவுகணைகள் மூலம் வரக்கூடிய அச்சுறுத்தல்கள் முற்றிலுமாக முறியடிக்கப்படும் எனப் பாதுகாப்புத் துறை வல்லுநர்கள் தெரிவித்துள்ளனர்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இந்திய செய்திகள்

பெற்ற உரிமைகளை காப்போம்; மறுக்கப்படும் உரிமைகளை வெல்வோம் : மு.க.ஸ்டாலின் பதிவு

பெற்ற உரிமைகளை காப்போம்; மறுக்கப்படும் உரிமைகளை வெல்வோம் என திமுக தலைவர் மு.க.ஸ்டாலின் கூறியுள்ளார். திமுக தலைவர் மு.க.ஸ்டாலின் எக்ஸ் தளத்தில் வெளியிட்ட பதிவில், நீதிக்கட்சி பிறந்தது…

145 0 0
இந்திய செய்திகள்

மறைந்த எம்.எல்.ஏ விஎஸ் பாபுவின் இல்லத்திற்கு நேரில் சென்று தமிழக முதலமைச்சர் அஞ்சலி!

உடல்நலக்குறைவால் காலமான கொளத்தூர் தொகுதி சட்டமன்ற உறுப்பினர் வி.எஸ்.பாபுவின் இல்லத்திற்கு நேரில் சென்று தமிழக முதலமைச்சர் விஜய் நேற்று (19) இரவு மலர்மாலை வைத்து அஞ்சலி செலுத்தியுள்ளார்.…

132 0 0
இந்திய செய்திகள்

‘ஈடுசெய்ய முடியாத பேரிழப்பு’ – வி.எஸ். பாபு மறைவுக்கு விஜய் உருக்கம்!

கொளத்தூர் தொகுதி தமிழக வெற்றிக் கழகத்தின் (தவெக) சட்டமன்ற உறுப்பினர் வி.எஸ். பாபுவின் மறைவுக்கு தமிழக முதலமைச்சர் விஜய் ஆழ்ந்த இரங்கல் தெரிவித்துள்ளார். இது தொடர்பாக தனது…

152 0 0
இந்திய செய்திகள்

தமிழக சட்டமன்ற உறுப்பினர் வி.எஸ். பாபு காலமானார்!

தமிழக வெற்றிக் கழகத்தின் (தவெக) கொளத்தூர் தொகுதி சட்டமன்ற உறுப்பினர் வி.எஸ். பாபு , உடல்நலக் குறைவால் சென்னையில் உள்ள தனியார் மருத்துவமனையில் இன்று பிற்பகல் காலமானார்.…

149 0 0