உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

பிரான்ஸின் தலைநகர் பாரிஸில் வெடித்தது கலவரம்!

உலக செய்திகள் 6 மாதங்கள் முன்
108 பார்வைகள்

சம்பியன்ஸ் லீக் கால்பந்து இறுதிப்போட்டியில் பாரிஸ் செயின்ட் ஜெர்மைன் (PSG) அணி வெற்றி பெற்றதைத் தொடர்ந்து, பிரான்ஸ் முழுவதும் கால்பந்து ரசிகர்களுக்கும் பொலிஸாருக்கும் இடையே ஏற்பட்ட பயங்கர மோதல்களில் 219 பேர் காயமடைந்துள்ளனர்.

காயமடைந்தவர்களில் 8 பேரின் நிலைமை கவலைக்கிடமாக உள்ளதாக பிரான்ஸ் உள்துறை அமைச்சர் லோரண்ட் நுனேஸ் (Laurent Nuñez) தெரிவித்துள்ளார்.

அத்துடன், கலவரத்தைக் கட்டுப்படுத்தும் பணியில் ஈடுபட்டிருந்த 57 பொலிஸ் அதிகாரிகளும் இந்த மோதல்களில் காயமடைந்துள்ளனர்.

தலைநகர் பாரிஸில் பேருந்து மற்றும் தொடருந்து சேவைகளைப் பாதித்த இந்த வன்முறைகள் தொடர்பாக இதுவரை 780 பேர் கைது செய்யப்பட்டுள்ளதுடன், 450க்கும் அதிகமானோர் காவலில் வைக்கப்பட்டுள்ளனர்.

இதேவேளை, கலவரக்காரர்கள் மறிக்க முயன்ற பாரிஸின் சுற்றுவட்ட வீதியில் ஏற்பட்ட விபத்தொன்றில் 24 வயதுடைய நபர் ஒருவர் உயிரிழந்துள்ளார்.

வன்முறைகளுக்கு மத்தியில், பி.எஸ்.ஜி (PSG) அணியின் வெற்றிக் கொண்டாட்ட ஊர்வலம் ஈபிள் கோபுரப் பகுதியில் பல்லாயிரக்கணக்கான ரசிகர்களின் பங்கேற்புடன் அமைதியான முறையில் ஆரம்பமாகியுள்ளது.

இந்த ஊர்வலத்தின் பாதுகாப்பிற்காக மாத்திரம் சுமார் 6,000 பொலிஸார் குவிக்கப்பட்டுள்ளனர்.

பொது ஒழுங்கைப் பேணுவதில் பிரான்ஸ் ஒரு சிறந்த நாடு எனக் குறிப்பிட்டுள்ள உள்துறை அமைச்சர், அமைதியான முறையில் ஒன்று கூடுவதை அனுமதிப்பதாகவும், ஆனால் வன்முறைகளில் ஈடுபடுபவர்கள் மீதான நடவடிக்கைகள் மிகவும் கடுமையானதாக இருக்கும் என்றும் எச்சரித்துள்ளார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

140 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0