உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

வேல்ஸில் இறந்த நிலையில் கரை ஒதுங்கும் ஆயிரக்கணக்கான மீன்கள்!

உலக செய்திகள் 6 மாதங்கள் முன்
89 பார்வைகள்

வேல்ஸில் உள்ள கடற்கரைகளில் நூற்றுக்கணக்கான சுறா மீன்கள் மற்றும் பிற கடல் உயிரினங்கள் இறந்த நிலையில் கரை ஒதுங்கியுள்ள சம்பவம் உள்ளூர் மக்களிடையே பெரும் அதிர்ச்சியை ஏற்படுத்தியுள்ளது.

கார்மர்தென்ஷையர் (Carmarthenshire) மற்றும் பெம்ப்ரோக்ஷையர் (Pembrokeshire) ஆகிய பகுதிகளில் உள்ள கடற்கரைகளிலேயே இந்த சம்பவம் இடம்பெற்றுள்ளது.

இதேபோல், கடந்த வாரமும் பெம்ப்ரோக்ஷையரின் சாண்டர்ஸ்ஃபூட் (Saundersfoot) கடற்கரையில் நடைப்பயிற்சி சென்ற ஒருவரால் இதேபோன்றதொரு சுறா மீன்களின் குவியல் கண்டறியப்பட்டமை குறிப்பிடத்தக்கது.

இது குறித்து இயற்கை வளங்கள் வேல்ஸ் (Natural Resources Wales) அமைப்பின் ஊடகப் பேச்சாளர் கூறியதாவது,

சாண்டர்ஸ்ஃபூட் கடற்கரையில் மீன்கள் இறந்து கிடந்தது தொடர்பாக நாங்கள் நடத்திய விசாரணையில், கடலில் எந்தவிதமான இரசாயனப் மாசுபாடும் (Pollution incident) ஏற்படவில்லை என்பது உறுதி செய்யப்பட்டுள்ளது.

இவை பொதுவாக மீன்பிடிக்கும் போது தற்செயலாக வலையில் சிக்கும் ‘துணைப் பிடிப்பு’ (By-catch) மீன்களாக இருக்கலாம்.

மீனவர்களுக்கு இவை தேவையில்லை என்பதால் மீண்டும் கடலிலேயே தூக்கி வீசப்பட்டிருக்கலாம்.

பெம்ப்ரே கடற்கரையில் கண்டறியப்பட்ட வலை, கடலில் தொலைந்துபோன ஒரு மீன்பிடி வலையாக இருக்கலாம் என்றும் அவர் குறிப்பிட்டார்.

இதற்கிடையில், கடலலைகளின் சீற்றம் காரணமாகச் சாண்டர்ஸ்ஃபூட் கடற்கரையில் இருந்த பெரும்பாலான சுறாக்களின் உடல்கள் மீண்டும் கடலுக்குள்ளேயே இழுத்துச் செல்லப்பட்டுள்ளதால், தற்போது அங்கு பாதிப்புகள் ஏதுமில்லை என அதிகாரிகள் தெரிவித்துள்ளனர்.

இந்த விசித்திரச் சம்பவம் தொடர்பாகக் கார்மர்தென்ஷையர் மற்றும் பெம்ப்ரோக்ஷையர் உள்ளூராட்சி சபைகளிடம் மேலதிக விபரங்கள் கோரப்பட்டுள்ளமை குறிப்பிடத்தக்கது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

140 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0