பாகிஸ்தானின் மர்தான் மாவட்டத்தில் இடம்பெற்ற வீதி விபத்தில் சிக்கி 17 பேர் உயிரிழந்தனர்.
மேலும் 5 பேர் காயமடைந்துள்ளதாக சர்வதேச ஊடகங்கள் செய்தி வெளியிட்டுள்ளன.
சம்பவம் தொடர்பில் மேலும் தெரியவருகையில்,
மர்தான் மாவட்டத்தின் பிரதான வீதியொன்றில் இயந்திரக் கோளாறு காரணமாக பேருந்து ஒன்று வீதியோரமாக நிறுத்தப்பட்டிருந்தது.
இதன்போது, அதே வீதி வழியாக அதிவேகமாகப் பயணித்துக் கொண்டிருந்த சிற்றுந்து ஒன்று, வீதியோரம் நிறுத்தப்பட்டிருந்த பேருந்தின் பின்புறமாக மோதி விபத்துக்குள்ளாகியுள்ளது.
இந்த விபத்தில், சிற்றுந்தில் பயணித்துக் கொண்டிருந்த 17 பேர் சம்பவ இடத்திலேயே உயிரிழந்ததாக அந்நாட்டு அதிகாரிகள் உறுதிப்படுத்தியுள்ளனர்.
மேலும், விபத்தில் படுகாயமடைந்த 5 பேர் மீட்க்கப்பட்டு, சிகிச்சைக்காக உடனடியாக அருகில் உள்ள மருத்துவமனையில் அனுமதிக்கப்பட்டுள்ளதாகத் தெரிவிக்கப்பட்டுள்ளது.
