கிளிநொச்சி பிரமந்தனாறு மகா வித்தியாலயத்தில் நடைபெற்ற மாபெரும் இலவச மருத்துவ முகாம்.!
கிளிநொச்சி பிரமந்தனாறு மகா வித்தியாலயத்தில் யாழ். மருத்துவ சங்கம் மற்றும் மருத்துவ பிரதிநிதிகள் சங்கம் ஆகியன இணைந்து நடாத்தும் மாபெரும் இலவச மருத்துவ முகாம் இன்று (17) நடைபெற்றது.
கிளிநொச்சி மாவட்டத்தின் பின்தங்கிய பிரதேசமாக காணப்படுகின்ற பிரமந்தனாறு பகுதியில் மக்களுக்கான மருத்துவ சேவையை வழங்கும் வகையில் யாழ். மருத்துவ சங்கமும், மருத்துவப் பிரதிநிதிகள் சங்கமும் இணைந்து ஏற்பாடு செய்த இலவச மருத்துவ முகாம் இன்று காலை 9 மணிக்கு ஆரம்பமாகியது.
இதில் பொது வைத்திய நிபுணர்கள், குழந்தை வைத்திய நிபுணர், தோல் மற்றும் சரும நோய் நிபுணர்கள், சத்திர சிகிச்சை நிபுணர், பெண் நோயியல் வைத்திய நிபுணர், பல் மருத்துவ நிபுணர் ஆகியோர் கலந்துகொண்டு மக்களுக்கான சிகிச்சைகளையும் ஆலோசனைகளையும் வழங்கினர்.
இதில் குறித்த பிரதேசத்தைச் சேர்ந்த பெருமளவான மக்கள் கலந்து கொண்டு பயன்பெற்றுள்ளனர்.
