உலகின் மிக உயர்ந்த சிகரமான எவரெஸ்டில் மலையேறும் பருவ காலம் தொடங்கியுள்ள நிலையில், அங்கு விபத்து மற்றும் உயிரிழப்புகளும் அதிகரித்து வருவது கவலையை ஏற்படுத்தியுள்ளது.
நேபாளத்தைச் சேர்ந்த அனுபவம் வாய்ந்த ஷெர்பா வழிகாட்டியான 21 வயது புரு கியால்ஜென், எவரெஸ்ட் சிகரத்தின் 7,200 மீட்டர் உயரத்தில் உள்ள ‘கேம்ப் III’ பகுதியில் பனியில் வழுக்கி விழுந்து உயிரிழந்தார்.
கடந்த இரண்டு வாரங்களில் எவரெஸ்டில் நிகழ்ந்த மூன்றாவது மரணம் இதுவாகும். இதற்கு முன்னதாக, பிஜய் கிமிரே விஸ்வகர்மா (35) மற்றும் லக்பா டெண்டி ஷெர்பா (51) ஆகிய நேபாள மலையேற்ற வீரர்களும் இப்பகுதியில் உயிரிழந்துள்ளனர். எவரெஸ்ட் தவிர்த்து அருகிலுள்ள மற்ற சிகரங்களிலும் உயிரிழப்புகள் பதிவாகியுள்ளன.
உலகின் ஐந்தாவது உயர்ந்த சிகரமான மக்காலு மலையில் அமெரிக்காவைச் சேர்ந்த 53 வயது ஜோஹன்னசென் ஷெல்லி உயிரிழந்தார். அதேபோல், செக் குடியரசைச் சேர்ந்த டேவிட் ரோன்பினெக் மக்காலு II சிகரத்தில் உயிரிழந்தார்
