ஹார்முஸ் முடக்கம்: ஈரானின் பொருளாதாரத்தைக் காக்குமா ரஷ்யா? – சிக்கல்களும் சவால்களும்!
ஹார்முஸ் நீரிணை (Strait of Hormuz) முடக்கப்பட்டுள்ள சூழலில், ஈரான் தனது பொருளாதாரத்தைத் தக்கவைக்க ரஷ்யாவை ஒரு ‘லைஃப்லைன்’ (Lifeline) அல்லது உயிர்நாடியாகப் பயன்படுத்த முடியுமா ?
ஹார்முஸ் நீரிணையில் ஏற்பட்டுள்ள தொடர் போர் மற்றும் முடக்க நிலை காரணமாக, ஈரானின் எண்ணெய் ஏற்றுமதி மற்றும் கடல்வழி வர்த்தகம் கடுமையாகப் பாதிக்கப்பட்டுள்ளது.
இந்த நெருக்கடியிலிருந்து தப்பிக்க ஈரான் தனது பார்வையை வடக்கு நோக்கி, அதாவது ரஷ்யாவை நோக்கித் திருப்பியுள்ளது.
ஈரானிய வெளியுறவு மமைச்சர் அப்பாஸ் அராக்சி சமீபத்தில் செயின்ட் பீட்டர்ஸ்பர்க் நகருக்குச் சென்று ரஷ்ய ஜனாதிபதி விளாடிமிர் புடினைச் சந்தித்துப் பேசினார். தடைகள் மற்றும் ஹார்முஸ் நீரிணையின் எதிர்காலம் குறித்து விவாதித்த அவர், ரஷ்யாவின் “உறுதியான மற்றும் அசைக்க முடியாத” ஆதரவைப் பாராட்டியுள்ளார்.
வளைகுடா நாடுகளுடனான கடல்வழிப் போக்குவரத்து துண்டிக்கப்பட்டுள்ள நிலையில், ஈரான்
கடல் வழியாக ரஷ்யாவுடன் நேரடியாக இணைதல், ரஷ்யா – ஈரான் இடையிலான புதிய வர்த்தக வழித்தடங்கள், தடைகளைத் தாண்டிய வலைப்பின்னல், மேற்கத்திய நாடுகளின் பொருளாதாரத் தடைகளிலிருந்து தப்பிக்க இரு நாடுகளும் இணைந்து உருவாக்கியுள்ள மாற்றுப் பணப்பரிமாற்ற முறைகள் போன்ற முறைகளை பின்பற்றுகின்றது.
ரஷ்யா ஈரானுக்கு ஒரு தற்காலிகத் தீர்வை வழங்க முடியுமே தவிர, நீண்ட கால அடிப்படையில் அது ஈரானின் பொருளாதாரப் பசியைத் தீர்க்காது என நிபுணர்கள் கருதுகின்றனர்.
2018-ல் அமெரிக்கா அணுசக்தி ஒப்பந்தத்திலிருந்து விலகிய பின்னர் இரு நாடுகளும் நெருங்கத் தொடங்கின. 2022 உக்ரைன் போருக்குப் பின்னர் , மேற்கத்திய நிதி அமைப்புகளிலிருந்து இவ்விரு நாடுகளும் துண்டிக்கப்பட்டதால் இந்த உறவு மேலும் வலுப்பெற்றுள்ளது.
ஈரான் தனது மலிவு விலை ‘ஷாஹெட்’ (Shahed) ட்ரோன்களை ரஷ்யாவிற்கு வழங்கி வருவதும் குறிப்பிடத்தக்கது.
சுருக்கமாகச் சொன்னால், ரஷ்யா ஈரானுக்கு ஒரு அவசரகால உதவியாளராக இருக்க முடியுமே தவிர, ஹார்முஸ் நீரிணை முடக்கத்தால் ஏற்படும் பாரிய பொருளாதாரப் பள்ளத்தை நிரப்புவது ரஷ்யாவிற்கு ஒரு சவாலான காரியமே ஆகும்.
