உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

விசாரணையிலிருந்து தப்பினார் பிரதமர் கீர் ஸ்டார்மர் – நாடாளுமன்றத்தில் எதிர்க்கட்சிகளின் தீர்மானம் தோல்வி!

உலக செய்திகள் 7 மாதங்கள் முன்
111 பார்வைகள்

பிரித்தானியப் பிரதமர் கீர் ஸ்டார்மர், அமெரிக்காவிற்கான தூதுவர் நியமனம் தொடர்பாக நாடாளுமன்றத்தைத் தவறாக வழிநடத்தியதாகக் கூறப்படும் குற்றச்சாட்டு குறித்த விசாரணை எதனையும் அவர் எதிர்கொள்ளப் போவதில்லை என அறிவிக்கப்பட்டுள்ளது.

அமெரிக்காவிற்கான பிரித்தானியத் தூதுவராக லோார்ட் மண்டல்சனை (Lord Mandelson) நியமிக்கும் விவகாரத்தில், பிரதமர் கீர் ஸ்டார்மர் நாடாளுமன்ற உறுப்பினர்களுக்குத் தவறான தகவல்களை வழங்கியதாகக் கூறப்படும் குற்றச்சாட்டு குறித்த விசாரணையைத் தவிர்க்கும் வாக்கெடுப்பில் அரசாங்கம் வெற்றி பெற்றுள்ளது.

தூதுவர் நியமனத்திற்கான ‘வெட்டிங்’ (Vetting) எனும் தகுதிகாண் நடைமுறைகள் முழுமையாகப் பின்பற்றப்பட்டதாகவும், வெளியுறவுத்துறை அதிகாரிகள் மீது எவ்வித அழுத்தமும் பிரயோகிக்கப்படவில்லை என்றும் பிரதமர் ஸ்டார்மர் முன்னதாகத் தெரிவித்திருந்தார்.

ஆனால், இந்த விவகாரத்தில் அவர் உண்மையை மறைத்து நாடாளுமன்றத்தைத் தவறாக வழிநடத்தியதாக எதிர்க்கட்சியான கன்சர்வேட்டிவ் கட்சி குற்றம் சாட்டியது.

இந்தக் குற்றச்சாட்டு குறித்து ‘நாடாளுமன்ற சிறப்புரிமைக் குழு’ (Privileges Committee) விசாரணை நடத்த வேண்டும் எனக்கோரி கன்சர்வேட்டிவ் கட்சித் தலைவி கெமி பேடனோக் (Kemi Badenoch) கொண்டு வந்த தீர்மானம் மீதான வாக்கெடுப்பு நேற்று நடைபெற்றது.

அரசாங்கத் தரப்பில் 335 வாக்குகளும் எதிர்க்கட்சி தரப்பில் 223 வாக்குகளும் அளிக்கப்பட்ட நிலையில்
112 வாக்குகள் வித்தியாசத்தில் இந்த விசாரணை கோரும் தீர்மானம் தோற்கடிக்கப்பட்டது.

அரசாங்கத் தரப்பில் பெருமளவிலான உறுப்பினர்கள் தீர்மானத்திற்கு எதிராக வாக்களித்த போதிலும், ஆளும் தொழிற்கட்சியின் (Labour) 14 உறுப்பினர்கள் தமது கட்சித் தலைமையின் உத்தரவை மீறி, விசாரணைக்கு ஆதரவாக வாக்களித்துள்ளனர்.

மேலும் 53 தொழிற்கட்சி உறுப்பினர்கள் வாக்கெடுப்பில் கலந்துகொள்ளவில்லை. இந்தத் தீர்மானத்தை எதிர்ப்பது “உண்மையை மறைக்கும் செயல்” (Cover-up) போன்ற தோற்றத்தை ஏற்படுத்தும் எனச் சில தொழிற்கட்சி உறுப்பினர்களே கவலை வெளியிட்டிருந்தமை குறிப்பிடத்தக்கது.

அமைச்சர்கள் நாடாளுமன்றத்தை வேண்டுமென்றே தவறாக வழிநடத்தினால் அவர்கள் பதவி விலக வேண்டும் என்பது பிரித்தானிய அமைச்சரவை விதியாகும்.

எவ்வாறாயினும், தற்போதைய வாக்கெடுப்பு முடிவின் மூலம் பிரதமர் ஸ்டார்மர் இந்த நெருக்கடியிலிருந்து தற்காலிகமாக மீண்டுள்ளார். கன்சர்வேட்டிவ் கட்சியுடன் இணைந்து லிபரல் டெமக்ராட்கள், எஸ்.என்.பி மற்றும் ஏனைய எதிர்க்கட்சிகள் இந்தத் தீர்மானத்திற்கு ஆதரவளித்திருந்தமை குறிப்பிடத்தக்கது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

139 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0