உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

கொலம்பியாவில் குண்டுவெடிப்பு; பலர் உயிரிழப்பு.!

உலக செய்திகள் 7 மாதங்கள் முன்
69 பார்வைகள்

கொலம்பியாவின் தெற்கு கௌகா பிராந்தியத்தில் உள்ள அதிவேக நெடுஞ்சாலையில் இடம்பெற்ற பயங்கர குண்டுவெடிப்பில், சிறுவர்கள் உட்பட குறைந்தது 14 பேர் உயிரிழந்துள்ளனர்.

மேலும் பலர் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளதாக சர்வதேச ஊடகங்கள் செய்தி வெளியிட்டுள்னன.

இந்தத் தாக்குதலுக்கு லத்தீன் அமெரிக்காவின் பழமையான கிளர்ச்சிக் குழுவான ‘பார்க்’ அமைப்பிலிருந்து பிரிந்த தீவிரவாதக் குழுக்களே காரணம் என கொலம்பிய அரசாங்கம் குற்றம் சாட்டியுள்ளது.

“இந்தத் தாக்குதலை நடத்தியவர்கள் பயங்கரவாதிகள் மற்றும் போதைப்பொருள் கடத்தல்காரர்கள். அவர்களை எமது சிறந்த வீரர்கள் எதிர்கொள்வார்கள்” என கொலம்பிய ஜனாதிபதி குஸ்டாவோ பெட்ரோ தனது ‘X’ தளத்தில் பதிவிட்டுள்ளார்.

இது ஒரு கண்மூடித்தனமான காட்டுமிராண்டித்தனம் என்றும், இந்தப் பயங்கரவாதத்தை கௌகா தனித்து எதிர்கொள்ள முடியாது என கௌகா பிராந்திய ஆளுநர் ஆக்டேவியோ குஸ்மான், தெரிவித்துள்ளார்.

கொலம்பியாவில் எதிர்வரும் மே 31-ஆம் திகதி ஜனாதிபதி தேர்தல் நடைபெறவுள்ள நிலையில், இந்தத் தாக்குதல் பெரும் அதிர்வலைகளை ஏற்படுத்தியுள்ளது.

2016-ஆம் ஆண்டு எட்டப்பட்ட அமைதி ஒப்பந்தம் சிதைந்ததைத் தொடர்ந்து, சமீபகாலமாக அந்நாட்டில் அரசியல் வன்முறைகள் மீண்டும் அதிகரித்துள்ளன.

கடந்த வருடம் ஜூன் மாதம் ஒரு பேரணியில் வலதுசாரி வேட்பாளர் மிகுயல் யூரிப் துர்பே மீது சிறுவனால் துப்பாக்கிச் சூடு நடத்தப்பட்டு அவர் பின்னர் சிகிச்சை பலனின்றி உயிரிழந்தமை குறிப்பிடத்தக்கது.

தற்போது நிலவும் சூழலில், ஆயுதக் குழுக்களுடன் பேச்சுவார்த்தை நடத்த வேண்டும் என்ற கொள்கையைக் கொண்ட இடதுசாரி செனட்டர் ஐவன் செபெடா தேர்தல் கருத்துக் கணிப்புகளில் முன்னிலையில் உள்ளார்.

இச்சம்பவத்தைத் தொடர்ந்து கௌகா மற்றும் காலி ஆகிய நகரங்களில் பாதுகாப்புப் படையினர் குவிக்கப்பட்டுள்ளனர்.

முன்னதாக, வெடிபொருட்கள் நிரப்பப்பட்ட பேருந்து ஒன்று வெடிக்கத் தவறிய நிலையில் மீட்கப்பட்டதாகவும், இது ஒரு போதைப்பொருள் கடத்தல் கும்பலின் சதி எனவும் பாதுகாப்புத் அமைச்சர் பெட்ரோ அர்னால்போ சான்செஸ் தெரிவித்துள்ளார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

139 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0