தமிழ்நாட்டின் 234 சட்டப்பேரவைத் தொகுதியிலும் வாக்குப்பதிவு நிறைவு பெற்றுள்ளது.இந்த நிலையில் ஒட்டுமொத்த வாக்குப்பதிவு 84 (84.29 வீதம்) சதவீதத்தைக் கடந்துள்ளதாக தேர்தல் ஆணையம் உத்தியோகபூர்வமாக அறிவித்துள்ளது.
வாக்குப்பதிவு நிறைவடைந்த நிலையில் மின்னணு வாக்கு இயந்திரங்கள் சீல் வைக்கப்பட்டுள்ளதாக தெரிவிக்கப்படுகின்றது.
இருப்பினும், சில வாக்குச்சாவடிகளில் டோக்கன் வழங்கப்பட்டு இன்னும் வாக்குப்பதிவு தொடர்வதாக இந்திய ஊடகங்களில் செய்திகள் வெளியாகியுள்ளன.
தமிழ்நாட்டு வரலாற்றில், 2011ஆம் ஆண்டு தேர்தலில் அதிகபட்சமாக பதிவுசெய்யப்பட்ட 78.2 வீத வாக்குப்பதிவுகளை முறியடித்து இந்த தேர்தலில் 84வீதத்தை கடந்த வாக்குகள் தற்போது வரை பதிவாகியுள்ளன.
2026ஆம் ஆண்டுக்கான தமிழக சட்டமன்ற தேர்தலின் வாக்குப்பதிவுகள் தற்போது நிறைவடைந்துள்ளன.இந்நிலையில், தேர்தலில் தற்போதைய நிலவரப்படி 84வீதத்தை கடந்த வாக்குப்பதிவு செய்யப்பட்டு வரலாறு படைக்கப்பட்டுள்ளது.
2026 தமிழ்நாடு சட்டமன்ற தேர்தலில் இதுவரை இல்லாதவகையில் 80 வீதத்திற்கு மேல் வாக்குப்பதிவு செய்யப்பட்டுள்ளதாக தகவல்கள் தெரிவிக்கின்றன.
அதேநேரம், மாலை 6 மணி வரை வாக்குப்பதிவுகள் முன்னெடுக்கப்படவிருந்த நிலையில், குறித்த நேரத்திற்குள் வாக்குச்சாவடிக்குள் சென்றவர்கள் வாக்களித்து முடிப்பதற்கு இரவு 8 மணி வரை நேரம் வழங்கப்பட்டுள்ளது.
எனவே, அவர்களுக்கு டோக்கன்கள் வழங்கப்பட்டு அவர்கள் வாக்களிக்கவுள்ள நிலையில், வாக்குப்பதிவு வீதம் இன்னும் அதிகரிக்கலாம் என இந்திய தகவல்கள் தெரிவிக்கின்றன.
