உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

ஹார்முஸ் நீரிணையில் மூன்று கப்பல்கள் மீது துப்பாக்கிச் சூடு: ஈரான் கடற்படை அதிரடி!

உலக செய்திகள் 7 மாதங்கள் முன்
84 பார்வைகள்

ஹார்முஸ் நீரிணைப் பகுதியில் பயணித்த மூன்று சரக்குக் கப்பல்கள் மீது துப்பாக்கிச் சூடு நடத்தப்பட்ட சம்பவம் பெரும் பரபரப்பை ஏற்படுத்தியுள்ளது.

ஈரான் மற்றும் அமெரிக்க-இஸ்ரேல் இடையிலான போர் தீவிரமடைந்துள்ள நிலையில், உலகின் மிக முக்கியமான கடல் வணிகப் பாதையான ஹார்முஸ் நீரிணையில் (Strait of Hormuz) பயணித்த மூன்று கொள்கலன் கப்பல்கள் (Container Ships) மீது இன்று துப்பாக்கிச் சூடு நடத்தப்பட்டுள்ளது.

பிரித்தானிய கடல்சார் வர்த்தகச் செயல்பாட்டு மையம் (UKMTO) மற்றும் பாதுகாப்பு வட்டாரங்கள் தெரிவித்துள்ள தகவலின்படி:

ஓமனுக்கு வடகிழக்கே பயணித்த லைபீரியக் கொடியுடன் கூடிய கப்பல் மீது ஈரானின் புரட்சிகரக் காவல்படையின் (IRGC) ரோந்துப் படகிலிருந்து துப்பாக்கிச் சூடு மற்றும் ஆர்.பி.ஜி (RPG) குண்டுகள் வீசப்பட்டுள்ளன.

இதில் கப்பலின் மேல் தளம் (Bridge) சேதமடைந்தது.

ஈரானுக்கு மேற்கே 8 கடல் மைல் தொலைவில் பயணித்த பனாமா கொடியுடன் கூடிய இரண்டாவது கப்பல் மீது துப்பாக்கிச் சூடு நடத்தப்பட்டது. இதில் எவ்வித சேதமும் ஏற்படவில்லை.

ஹார்முஸ் நீரிணையை விட்டு வெளியேறிக் கொண்டிருந்த மற்றொரு மூன்றாவது லைபீரியக் கப்பல் மீதும் தாக்குதல் நடத்தப்பட்டது.

இக்கப்பல் தற்போது கடலில் நிறுத்தப்பட்டுள்ளது.

அமெரிக்கா மற்றும் இஸ்ரேல் நாடுகள் ஈரான் மீது மேற்கொண்டு வரும் குண்டுவீச்சுத் தாக்குதல்களுக்குப் பதிலடியாகவும், ஈரானியத் துறைமுகங்களுக்கு அமெரிக்கா விதித்துள்ள தடையை எதிர்த்தும், ஹார்முஸ் நீரிணையில் பயணிக்கும் கப்பல்களுக்கு ஈரான் கடும் கட்டுப்பாடுகளை விதித்துள்ளது.

தாக்குதலுக்கு உள்ளான மூன்று கப்பல்களிலும் இருந்த ஊழியர்கள் அனைவரும் பாதுகாப்பாக இருப்பதாக உறுதிப்படுத்தப்பட்டுள்ளது.

கப்பல்களில் தீ விபத்தோ அல்லது கடல் சார் சூழல் பாதிப்புகளோ ஏற்படவில்லை.

பிப்ரவரி 28 அன்று இந்தப் போர் தொடங்குவதற்கு முன்னதாக, உலகின் ஒட்டுமொத்த எண்ணெய் மற்றும் இயற்கை எரிவாயு விநியோகத்தில் ஐந்தில் ஒரு பங்கு இந்த ஹார்முஸ் நீரிணை வழியாகவே நடைபெற்று வந்தது.

தற்போது ஏற்பட்டுள்ள பதற்றம் உலகளாவிய எரிசக்தி விநியோகத்தில் மேலும் நெருக்கடியை உருவாக்கும் என அஞ்சப்படுகிறது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

139 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0