உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

“புகையில்லா தலைமுறை” – 2009-க்குப் பின்னர் பிறந்தவர்களுக்கு புகைப்பிடிக்கத் தடை – இங்கிலாந்தில் புதிய சட்டம்!

உலக செய்திகள் 7 மாதங்கள் முன்
93 பார்வைகள்

பிரித்தானியாவில் 2009-ஆம் ஆண்டுக்குப் பின்னர் பிறந்தவர்கள் புகைப்பிடிப்பதைத் தடுக்கும் வகையில் கொண்டுவரப்பட்ட சட்டம், நாடாளுமன்றத்தின் இரு அவைகளிலும் நிறைவேற்றப்பட்டுள்ளது.

பிரித்தானியாவை ஒரு “புகையில்லா நாடாக” மாற்றும் நோக்கில் கொண்டுவரப்பட்ட ‘புகையிலை மற்றும் வேப்ஸ் சட்டமூலம்’ (Tobacco and Vapes Bill), நாடாளுமன்றத்தின் காமன்ஸ் மற்றும் பிரபுக்கள் சபையில் நேற்று வெற்றிகரமாக நிறைவேற்றப்பட்டது.

அதன்படி, 2009-ஆம் ஆண்டு ஜனவரி மாதம் 1-ஆம் திகதி அல்லது அதற்குப் பின்னர் பிறந்த எவருக்கும், புகைப்பிடிப்பதற்கான புகையிலைப் பொருட்களை விற்பனை செய்வது சட்டப்படி தடை செய்யப்பட்டுள்ளது.

இவர்களுக்கு ஆயுள் முழுவதும் புகைப்பிடிக்க அனுமதி வழங்கப்படமாட்டாது.சிகரெட்டுகள் மட்டுமன்றி, வேப்பிங் (Vaping) மற்றும் நிகோடின் தயாரிப்புகளின் சுவைகள் (Flavours) மற்றும் அவற்றின் பொதியிடல் (Packaging) முறைகளை ஒழுங்குபடுத்த அமைச்சர்களுக்குப் புதிய அதிகாரங்கள் வழங்கப்பட்டுள்ளன.

இந்தச் சட்டமூலம் விரைவில் மன்னரின் ஒப்புதலைப் (Royal Assent) பெற்று முழுமையான சட்டமாக மாறவுள்ளது.

இதேவேளை, புற்றுநோய் ஆராய்ச்சி நிறுவனம் மற்றும் ஆஸ்துமா மற்றும் நுரையீரல் அமைப்பு போன்ற முன்னணித் தொண்டு நிறுவனங்கள் இந்தச் சட்டத்தை வரவேற்றுள்ளன.

“புகையிலை அடிமைத்தனத்திலிருந்து குழந்தைகளைப் பாதுகாக்கவும், புகைப்பிடிப்பதால் ஏற்படும் புற்றுநோய்களுக்கு முற்றுப்புள்ளி வைக்கவும் இது உதவும்” எனப் புற்றுநோய் ஆராய்ச்சி நிறுவனத்தின் தலைமை நிர்வாகி மிச்செல் மிட்செல் தெரிவித்துள்ளார்.

இந்தத் தடை முதலில் ரிஷி சுனக்கின் அரசாங்கத்தால் முன்மொழியப்பட்டது, ஆனால் 2024 பொதுத்தேர்தல் காரணமாகத் தற்காலிகமாக நிறுத்தி வைக்கப்பட்டிருந்தது.

தற்போது பதவியேற்றுள்ள தொழிலாளர் கட்சி, இதனை மீண்டும் நடைமுறைக்குக் கொண்டு வந்துள்ளது.

முன்னதாக, பொது இடங்கள் மற்றும் மதுவகங்களின் (Pub) வெளிப்புறப் பகுதிகளில் புகைப்பிடிப்பதைத் தடை செய்வது குறித்தும் ஆலோசிக்கப்பட்டது குறிப்பிடத்தக்கது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

139 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0